प्रहरी अतिरिक्त महानिरिक्षकय् राना

येँ (झीगु स्वनिगः)

सरकारं प्रहरी अतिरिक्त महानिरिक्षकय् कुबेरसिंह रानायात बढुवा याःगु दु । बढुवा नाप नापं रानायात महानगरिय प्रहरी आयुक्तया जिम्मेवारी ब्यूगु दु । थुकिं न्ह्यो आयुक्त अर्जुनजंग शाही सुडान घोटाला काण्डय् निलम्बन जुइवं थुगू पद खाली जुयाच्वंगु खः । अथेहे, रविन्द्र प्रताप शाह वर्तमान प्रहरी महानिरिक्षकय् बढुवा जुइवं उगु पद खालिया अवस्थाय् खालि जुयाच्वंगु खः । खाली पदय् नायब महानिरिक्षक डिआईजी मध्यं बरियताया झ्वलय् बरिष्ठ रानायात बढुवा याःगु खः । अथेहे, बैठकं अम्बर गुरुङ, गोपालप्रसाद रिमाल व फत्तेजंग राजभण्डारीयात महासेनानी पदय् सम्मान याइगु नं निर्णय याःगु दु । प्रधानमन्त्री तथा मन्त्री परिषद् कार्यालय सिंहदरबारय् च्वंगु बैठकं न्हूगु आर्थिक बर्षया बजेटया विषयसं फुक्क दलत नापं सहलह याइगु नं निर्णय याःगु दु ।