निलम्वित सांसद्त अनसनय्

येँ (झीगु स्वनिगः)

निलम्वित प्यम्ह सांसद्त न्हूबानेश्वरया संविधानसभा भवन पिने म्हिगः बुधवाः सुथंनिसें अनसन च्वंगु दु । छवाःया नितिं निलम्वित जूपिं सांसद्त दलित जनजाति पार्टीया विश्वेन्द्र पासवान, नेपाः राष्ट्रिय पार्टीया बुद्धरत्न मानन्धर, संघीय लोकतान्त्रिक मञ्चया रुक्मणी चौधरी व स्वतन्त्र सांसद सर्दुलमिया हकया नेतृत्वय् अथे अनसन च्वंगु खः । वय्कःपिन्सं थःपिनिगु न्यागू सूत्रीय माग पूरा यायेमाः धकाः सतक संघर्षया झ्वलय् वइगु ११ गते मसाल जुलुस नापं तराई बन्दया तकं आह्वान याःगु दु ।