एसएलसीइ नेपालभाषा विषयलय् फुक्कं पास

Posted on Wed Jun 22, 2011 10:36 pm NST

थुगुसीया एसएलसीइ नेपालभाषा विषयलय् फुक्कं विद्यार्थीत पास जूगु दु । ऐच्छिक विषयलय् दुथ्याकातःगु नेपालभाषा कयाः जाँच बिउपिं च्यागू विद्यालयया पीगुम्ह विद्यार्थीत बांलागु नम्बर हयाः उगु विषयलय् पास जूगु खः ।

परिक्षा नियन्त्रण ज्याकूथीं तसकं लापरवाहीपूर्वक झिदँ न्ह्यःया न्ह्यसःपौ वितरण यानाः जाँच काःसां फुक्क विद्यार्थीतय्सं जाँचय् पास याःगु खः । थुगुसी परोपकारया विद्यार्थी जुनु दिपकरं ८४ ल्याः हयाः नेपालभाषा विषयलय् दकलय् अप्व ल्याः हःम्ह विद्यार्थी जुइत ताः लाःगु दु । अथेहे परोपकारया हे रोमन महर्जन व शान्ति निकुञ्जया रीतु दर्शनधारीं ७७ ल्याः हयाः ल्यू लाःगु दु ।

अथेहे शान्ति निकुञ्जया दर्शनधारीं एसएलसीइ ७५.६२ प्रतिशत लिच्वः हयाः नेपालभाषा कयाः जाँच बिउपिं मध्ये दकलय् उत्कृष्त जुयादीगु दु । नेपालभाषा कयाः जाँच बिउपिं मध्ये नीछम्ह विद्यार्थीत न्हापंगु श्रेणीइ पास जूगु दु ।

नेपालभाषाया विषय कयाः थुगुसी जगत सुन्दर, कन्या मन्दिर, परोपकार, शान्ति निकुञ्ज, किर्तिपुर मावि, भाग्योदय उच्च मावि, हिलटाउन व मंगल माविया पीगुम्ह विद्यार्थीतय्सं एसएलसी बिउगु खः ।

जुनु दिपकर