अन्तिरिम आदेश जारी यायेम्वाःगु अदालतया आदेश

येँ (झीगु स्वनिगः)

सर्वोच्च अदालतं सूचना तथा संचार मन्त्री अग्नी सापकोटाया विरुद्धय् तयातःगु रितय् अन्तरिम आदेश जारी यायेमाःगु आवश्यकता मदु धकाः आदेश जारी याःगु दु । म्हिगः मंगलवाः सर्वोच्च अदालतया न्यायाधीसद्वय राजकुमार साह व प्रकाश वस्तीया मंकाः इजलासं अथे आदेश जारी याःगु खः । छुं छुं थःत मानवअधिकरवादी धाइपिं मनूतय्सं मन्त्री सापकोटायात हत्याया अभियोग लगेजुयाच्वंगुलिं वय्कःयात मन्त्री पदं बर्खास्त यायेत माग यानाः सर्वोच्च अदालतय् रित दायर याःगु खः । सर्वोच्च अदालतं आदेशय् धयातःगु दु 'हत्याया अभियोग लगेजूगु अवस्थाय् मन्त्री पदय् च्वनेगु बाय् मच्वनेगु धैगु गनं नं च्वयातःगु मदुगुलिं अन्तरिम आदेश जायी यायेमाःगु अवस्था मदु ।' एकीकृत माओवादीया नेता मन्त्री सापकोटायात मन्त्री पदं चीकेमाःगु माग यानाः सुशील प्याकुरेल, मन्दिरा शर्मा, कणकमणि दिक्षितपिन्सं मुद्दा दायर यानादीगु खः ।