युनिटीया वास्तविकता छु ?

अग्नीपुञ्ज

युनिटी लाइफया गौरवमय प्रतिष्ठाय् गम्भीर न्ह्यसःचिं दनावःगुलिं संस्थाया वैधानिकतायात सुक्ष्म ढङ्गं सर्वसाधारण व आम समुदायतक्क सुसूचित यायेगु नैतिक जिम्मेवारी खः । वंगु प्यदँ व प्यलानिसें कानुनया दायरा दुने च्वनाः राष्ट्रया समृद्धियात तिवः वियावयाच्वंगु युनिटी लाइफयात सरकारपाखें जूगु व जुयावयाच्वंगु प्रहार सम्वन्धी सत्यतथ्य मालाः जानकारी वीगु आवश्यक जूगु दु । लघुवित्तया सिद्धान्तयात मूलमन्त्र दयेकाः २०६२ फागुन १५ गते विधिवधरुपय् नेपाल सरकार कम्पनी रजिष्टार कार्यालयं स्वीकृति कयाः युनिटी लाइफ इन्टरनेशनल प्रा. लि.या जन्म जूगु खः । थुयालिपा २१ औं शताब्दीया सूचना क्रान्तिं प्रमाणित याःगु न्हूगु पद्धत्तिकथंया स्पष्ट लक्ष्य, उदेश्य व योजनायात सहकारी नीति अन्तर्गत च्वनाः आर्थिक क्रान्ति व राष्ट्र निर्माणया महाअभियान न्ह्यःने हयाच्वंगु सकस्यां स्यूगुहे खँ खः । न्हूगु नेपाःया परिकल्पनायात साकार यायेत नापं जनताया मौलिक अधिकारयात सुनिश्चित यायेत युनिटी लाइफया विशेष योजनात जनहितकारी जू । दक्षिण एशियाहे न्हापांगु राहत कम्पनीया रुपय् युनिटी लाइफं थःगु इतिहास च्वःगु दु । जनभावनाया हित व राष्ट्रिय सम्वृद्धियात ध्यानय् तया सञ्चालन याःगु अस्पतालत, खाद्य भण्डारत, डेरी उद्योग, प्लाइउड उद्योग, हाइड्रो पावर, एयर लाइन्स लिसें संजिवन खेती थें न्हून्हूगु योजनात अनुकरणीय उदाहरण खः ।

थथ्य जनताया भावना, अत्याधिक जनचाहना व अप्वयाः वंगु जनसहभागितायात विशेष महत्व वियाः जनतायाहे स्वामित्वय् २०६४ भाद्र २ गते पब्लिक लिमिटेडय् हिउगु खः । थःगु वैधानिकतायात पूर्णता व्युव्युं वनेगु झ्वलय् एभरेष्ट इन्सुरेन्स कम्पनी लि. व दि ओरियन्टल इन्स्युरेन्स कम्पनी लि. नाप सम्झौता यानाः अभिकर्ता इजाजत पत्रनापं काये धुंकूगु दु । लिसें नेपाल चेम्बर अफ कमर्सया नं दुजः जुइधुंकूगु दु । वाषिर्क आर्थिक प्रतिवेदनत तयार यायेवलय् करौडौं राजस्व पूगु प्रमाणत पेश यानाः युनिटी लाइफं राष्ट्रया सम्मानित व्यक्तित्वत पाखें सम्मान ग्रहण याःगु दसूत सार्वजनिक जुइ धुंकूगु दु । युनिटी लाइफया आवद्ध प्रत्येक सदस्यतय्गु आम्दानीया १५ प्रतिशत त्म्क् कट्टा यानाः राज्ययात विशुद्ध आम्दानी विवरणत पेश याःगु दु । उकियात नजर अन्दाज यानाः नेपाःया पुलांगु कतांमरि सरकारं कठित ठगी व गैरकानुनीया द्वपं वियाः मोस्ट वान्टेडय् नाप तयेगु ज्या जूगु दु ।

वैधानिक आधारत

प्राइभेट लिमिटेड २०६३ फागुन १५ गते ३८५५५२ नम्वरय् दर्ता जूगु खः । पब्लिक लिमिटेड २०६४ भाद्र २ गते १०२१ नम्वरय् दर्ता जूगु खः व पान नम्वर ३०२८१३०३० खः । च.नं. ११५२ सं औषधी व्यवस्थापन विभागया २०६३ माघ ४ गते वासः पसः स्वीकृति जूगु खः । जिल्ला जनस्वास्थ्य कार्यालयया २०६३ माघ १८ गते च.नं. ८०३ या अस्पताल सञ्चालन स्वीकृति जूगु खः । २०६३ फागुन २५ गते स्वास्थ्य व जनसंख्या मन्त्रालयं च.नं. २/५७६ कथं स्वीकृति पत्र व्यूगु खः । २०६४ असोज ९ गते वहे मन्त्रालयया च.नं. १८२५ पाखें पूर्वाधार स्वीकृति जुल । थथ्यहे यानाः विदेशी दूतावासयात परराष्ट्र मन्त्रालयं च्वःगु २०६४ पुस ३० गते च.न.प.ए. १२७/१४३९ या स्वीकृतिपत्र दु । २०६४ माघ १४ गतेया च.न. २२७ या पत्रय् गृहमन्त्रालयं ७५ जिल्लायात माःगु ग्वाहालि बीकेगु खँ न्ह्यथनाः पत्र छ्वःगु खः । २०६५ वैशाख १० गतेया क्वछिनाकथं कारोवार यायेगु कथं यानाः सरकारं २०६५ वैशाख १३ गते कम्पनीयात च.नं. ११६२ सं स्वीकृतिपत्र व्यूगु खः । डिपार्टमेन्ट स्टोर २०६५ पुस २२ गते दर्ता जुल । अथ्यला कम्पनीया नां हिलेगु खँय् २०६६ मंसिर ८ गते स्वीकृति जूगु खः । कम्पनीया पूँजी स्वीकृति निर्णय २०६६ मंसिर ८ गते हे जूगु खः । एयरलायन्सया सञ्चालन यायेगु वारे नं सरकारं २०६६ फागुन १२ गतेया च.नं. २०४१ सं इजाजतपत्र व्यूगु खः । कर चुक्ता यानाः व्यूगु प्रमाणपत्र २०६७ वैशाख ३० गते व्यूगु खः । थुलि जुयाःनं पुलांगु न्हापाया कतांमरि सरकारं पराधिनता व परनिर्भरताया भ्रमित मानसिकतां ग्रस्त षडयन्त्रं यानाः म्वाःमदुगु गैरकानुनी व ठगीया द्वपं वियाः युनिटी लाइफयात ध्वस्त यायेगु कासा म्हितल । गुकिया कारण छगू डर्जन मनूतय्गु ज्यान तकं वने धुंकूगु दु ।

युनिटी लाइफया थ्व स्वयाः थप महत्वपूर्ण वैधानिक व वैधानिक आधारत वरिष्ठ न्यायधिवक्तातय्गु माध्यमं सर्वोच्च अदालतय् पेश जुइधुंकूगु दु । उकिं थुगिन परिवर्तनया थुगु निणर्ायक मोडय् न्हूगु सरकारं छुंनं पूर्वाग्रह मतसे युनिटी लाइफयात सगौरव स्थापित यायेगु प्रतिवद्धता व्यक्त यायेफयेमाः । थःगु चाय् ल्वःगु मौलिकता व विशेषता ज्वनाः मातृभूमिया प्वाथं पिहांवःगु युनिटी लाइफयात ई कथं ल्वयेक संरक्षण व सम्वर्द्धन यायफयेमाः । अर्थतन्त्रया सुक्ष्म अवधारणा अन्तर्गत राष्ट्रया सर्वाङ्गकि विकासय् गुणात्मकरुपं थहां वनाः स्वाधिन व समृद्ध न्हूगु नेपाः दयेकेगु ज्याय् न्ह्याः वनाच्वंगु युनिटीयात आःया सरकारं सुस्पष्ट निर्णय कायेकयेमाः । अर्थविद्तय्गु विशेष पुचः गठन यानाः नं अन्तराष्ट्रिय सूचना, सिद्धान्त व अवधारणा अन्तर्गत युनिटी लाइफं अवलम्वन याःगु न्हूगु पद्धत्तिया खुल्ला व तब्याःगु ढङ्गं बहस न्ह्याकूगु दु ।
सरकारीस्तरं माःगु नीति, नियम, आचार संहिता व सुशासन कायम यानाः आः दयेकीगु संविधानय्हे विशेष धारातय्गु मार्फत कय्च्याकेमाः । थुकिया नितिं सञ्चारजगतं म्हितीगु न्यायपूर्ण, तथ्यपरक नापं वास्तविक भूमिकाप्रति लाखौं राष्ट्रप्रेमि युनिटीयनतय्गु आस्था व श्रद्धाभाव ल्यनाच्वंगु दु । मानव अधिकार, प्रेस स्वतन्त्रता व लोकतन्त्रप्रति तःधंगु आस्था दुगु स्पष्ट यायां युनिटी लाइफं राष्ट्र दयेकेगुली व्यूगु योगदानया कदर यायेमाः । उकिं उगु सम्पूर्ण वास्तविकतायात सुक्ष्म ढङ्गं स्वयेगु खःसा न्हापाया पुलांगु कतांमरि सरकारया कुटिल षडयन्त्र न पर्दाफास जुइधुंकूगुलिं थप षडयन्त्रं वञ्चित याकेत नापं गुलिफत उलि याकनं सर्वोच्च अदालतं न्याय वीकेत फुक्क राष्ट्रवादीत व लाखौं राष्ट्रप्रेमी युनिटीयनतय्गु संगठित मंकाः व सशक्त जनदवाव अभियान आवश्यक जूगु दु ।

More Stories Like this