सहिद स्मारक 'ए’ डिभिजन लिगया म्हिगःया निगुलिं कासा बराबर

येँ (झीगु स्वनिगः)

येय् न्ह्यानाच्वंगु सहिद स्मारक 'ए' डिभिजन फुटबल लिग अन्तर्गत म्हिगः जूगु न्हापांगु कासाय् नेपाल आर्मी व सशस्त्रया एपीएफ क्लबं बराबरी कासा म्हितूगु दु । बिभागीय टोली नेपाल आर्मी व एपिएफ दथुइ जूगु धेंधेंबल्लाः कासाय् निगुलिं टिमं छगू छगू गोल याःगु खः । एपीएफया अमीर श्रेष्ठं इञ्जुरी इलय् गोल याःसां नं उकिया छुं ईलिपा हे आर्मीया नितिं हरि महतों गोल यानाः कासायात बराबरीइ हःगु खः ।
अथेहे म्हिगः हे जूगु बासबारी फुटबल क्लब व युनाइटेडदथुइया धेंधेंबल्लाः कासा गोल रहित बराबरीइ क्वचाःगु खः । आःतक्क न्हापाया दाया लिग बिजेता नेपाल पुलिस स्वीनिगू ल्याःलिसे लिगया दकले च्वयेया धलखय् दुसा अथेहे मनाङ मस्र्याङदी स्वीछगू ल्याःलिसे लिगया निगूगु थासय् च्वनेत ताःलानाच्वंगु दु ।

More Stories Like this