असफल नेपाः

येँ (सन्ध्या टाइम्स)/थगुनेया तुलना थुगुसी नेपालं विश्वया असफल राष्ट्रया धलखय् सामान्य सुधार याःगु दु। 'विश्वप्रसिद्ध फरेन पोलिसी' नांगु म्यागजीनं विश्वया १७७ गू देशय् याःगु अध्ययन प्रतिवेदनय् नेपाः २४ औं थासय् लाकातःगु दु। सन् २००९ स नेपाः असफल राष्ट्रया धलखय् २३ औं थासय् लाःगु खः। जन्म नापं मृत्यदर, शरणार्थी, मानवअधिकार, शान्ति सुरक्षा, आर्थिक विकास, आन्तरिक हस्तक्षेप नापं झिगू क्षेत्रय् जूगु प्रगतियात आधार दयेकाः अध्ययन यासें थ्व वरियता निर्धारण याःगु खः। थुगुसी असफल राष्ट्रतय् धलःया १ नम्बरय् द्वन्द्वग्रस्त देय् सोमालिया लाःगु दु ।