निलम्बन विरुद्ध वक्तव्य

येँ (सन्ध्या टाइम्स)/संसदं प्यम्ह सभासदतय्त निलम्बन याःगु घटनाया विरोध यासें निलम्बित सभासद्त संलग्न पार्टीतय्सं मंकाः वक्तव्य पिकाःगु दु। वक्तव्यय् सभासद्तय्गु माग पूरा यायेगु धकाः प्रधानमन्त्रीपाखें पिकाःगु प्रतिवद्धताय् थःपिनिगु माग हे मखुगु खँ समेत दुथ्याकाः षडयन्त्र याःगु खँ धयातःगु दु। वक्तव्यय् थःपिनि माग धकाः मेगु न्यागू बुँदा न्ह्यःने तसें उकियात पूवंकेत इनाप यानातःगु दु। वक्तव्यय् दलित जनजाति पार्टीया नायः व सभासद् विश्वेन्द्र पासवान, नेपाः पार्टीया नायः डा. केशवमान शाक्य व सभासद बुद्ध साय्मित, सघीय लोकतान्त्रिक राष्ट्रिय मंचया नायः इन्द्रहाङ खम्बु व सभासद् रुक्मीणी चौधरी, नेपाल लोकतान्त्रिक समाजवादी दलया उपेन्द्र गच्छदार, नेपाल पिछडावर्ग महासंघया नायः भरतप्रसाद महता व स्वतन्त्र सभासद् सर्दुल मियां हलं सही यानातःगु दु ।