तालिवानलिसे वार्ता यानाच्वंगु पुष्टि
अमेरिका (एएफपी)
अमेरिकां तालिवान लडाकुतलिसे अफगानिस्तानय् वार्ता यानाच्वंगु पुष्टि याःगु दु । अमेरिकी रक्षामन्त्री रोबर्ट गेट्सं अमेरिका व मेमेगु देय्तय्सं नं तालिवानलिसे अफगानिस्तानय् वार्ता यानाच्वंगु पुष्टि याःगु खः ।
थ्व स्वयाः न्ह्यः अफगानिस्तानया राष्ट्रपति हमिद कारजाईं अमेरिकां थःगु देशय् तालिवान लडाकुलिसे शान्तिपूर्ण वार्ता यानाच्वंगु खा पितब्यूगु खः । अमेरिकी रक्षामन्त्री रोबर्ट गेट्सं छगू टेलिभिजन अन्तर्वार्ताय् अमेरिकी विदेश विभागं तालिवानलिसे प्रारम्भिक वार्ता यानाच्वंगु जानकारी ब्यूगु खः । वय्कलं स्वापू अप्वयेकेगु नितिं वार्ता जुयाच्वंगु व ठोस प्रगति जुइत महिनौं नं बिइफुगु जानकारी ब्यूगु खः ।
तालिवानविरुद्ध कारबाही यानाः वयाच्वंगु अमेरिकां थ्वहे जुलाई महिनादुने अफगानिस्तानपाखें थः सेना लित छ्वयेत्यंगु दु ।
More Stories Like this
दक्षिणी अफगानिस्तानय् नीम्ह तालिवानपाखें आत्मसमर्पण भारतया उडिसाय् चलखं झिंखुम्ह सित अमेरिका व बेलायतया गुप्तचर एजेन्सीया गद्दाफीलिसे साँठगाँठ रुसं सिरीयाया चिकं मन्यायेगु विषययात कयाः कुंखिन जापानय् न्ह्यगू दशमलव छगू रेक्टरया भुखाय्
