सहिद स्मारक 'ए’ डिभिजन लिगय् मेगा थ्री स्टार स्वंगू गोलं त्यात

येँ (झीगु स्वनिगः)

येँय् न्ह्यानाच्वंगु सहिद स्मारक 'ए' डिभिजन लिग फुटबल धेंधेंबल्लाः कासा अन्तर्गत म्हिगःया न्हापांगु कासाय् मेगा थ्री स्टार क्लबं सरस्वती क्लबयात स्वंगूया विरुद्ध छगू गोलं त्याकूगु दु ।
उगु धेंधेंबल्लाः कासाय् बाघौ बिइवं विदेशी खेलाडी जर्जं मेगा थ्री स्टारया नितिं न्हापांगु गोल याःगु खः । अथेहे कासाया पीप्यंगू मिनेटय् योगेश गुरुङ व न्हापांगु हाफया इन्जुरी इलय् विराज महर्जनं गोल याःगु खः । अथेहे सरस्वतीया नितिं कासाया न्हय्न्यागू मिनेटय् योना इलियसं सान्वना गोल याःगु खः । थुकथं हे म्हिगः हे जूगु मेगु धेंधेंबल्लाः कासाय् एनआरटी व स्वयम्भु क्लबया कासा बराबरीइ क्वचाःगु खः । कासाय् निगुलिं टिमपाखें छगू हे गोल यायेमफुगु खः ।

More Stories Like this