बटालायात थुना मुक्त यायेत सर्वोच्चया उजं

येँ (झीगु स्वनिगः)

सर्वोच्च अदालतं अपहरण सम्बन्धी मुद्दाय् माओवादी जनमुक्ति सेनाया कमाण्डर गोविन्दबहादुर बटालायात थुनामुक्त यायेत उजं ब्यूगु दु । हत्याया अभियोगय् स्वदा स्वयाः अप्वः कैद सजााय भुक्तान यायेधुंकूम्ह बटालायात गैरकानुनी थुनाय् तःगु धासें वय्कःया जहान सुनितां दायर याःगु बन्दी प्रत्यक्षीकरणया रिट दथुइ सुनुवाई यानाः सर्वाेच्चं म्हिगः बटालायात त्वःतेगु उजं ब्यूगु खः ।
न्यायाधीसद्वय ताहिर अलि अन्सारी व शुसिला कार्कीया संयुक्त इजलासं छगू हे कसुरय् दोहोरो सजाय कानुनी सिद्धान्त अःखः जुइगु दाबी याःगु दु । सर्वाच्चया उजंलिपा प्रहरीं ये जिल्ला अदालतय् बटालाविरुद्ध दायर याःगु अपहरण लिसे शरीर बन्धक सम्बन्धी मुद्दा खारेज जूगु दु । येा कोटेश्वरया व्यापारी रामहरी श्रेष्ठया हत्या अभियोगय् स्वदा स्वयाः अप्वः कैद सजााय भुक्तान याःम्ह बटालायात प्रहरीं वंगु बुधवाः येा जिल्ला अदालतय् अपहरण लिसे शरीर बन्धक सम्बन्धी मुद्दा दायर यानाः हाकनं ज्वंगु खः ।