गबले थिइगु पर्यटन दँ ?

येँ (झीगु स्वनिगः)

नेपालय् आय आर्जनया बांलाःगु स्रोत जुयाच्वंगु पर्यटन व्यवसाययात तिबः बिइगु व नेपाःया प्रचार प्रसार अन्तर्राष्टिङय जगततक्क थ्यंकेगु उद्देश्यलिसे पर्यटन दा सन् २०११ या सन्दर्भ न्ह्यानाच्वंगु जूसां नं अर्घाखाची जिल्ला धाःसा थ्वपाखें ताःपानाच्वंगु दु । झिगू लख पर्यटकया लसकुस यायेगु नितिं थीथी संघ संस्था, मां पुचः, नागरिक समाज लगायतया पुचःत सक्रिय रुपय् न्ह्यःज्यानाच्वंगु दु । तर पर्यटकीय महत्व क्वःबियाः च्वंगु लुम्बिनी अञ्चलया पहाडी जिल्ला अर्घाखााचीया पर्यटकीय स्थलत आः नं समस्याय् लानाच्वंगु दु । जिल्लाया अर्घाखााची भगवती मन्दिर, नरपानी, सुपा देउराली मन्दिर, पाणिनि तपोभूमि, बलकोटया पौवा, परशुरामेश्वर मन्दिर, दुर्वाशेश्वर गुफा, ठाडाया डम्मरु दह, सन्धिखर्कया शान्ति बगैाचा, मथुराबेसी धाम, छत्र महाराजया मन्दिर व मालारानी लगायतया दर्जनौं पर्यटकीय स्थलया व्यापक प्रचार प्रसार मजुयाः व सरोकारवाला पक्षं कुतः मयानाः अर्घाखााची नेपाःमिपिनिगु नितिं नं ताःपाःगु दुसा विदेशीपिनिगु खाल्हानाः मब्याः ।

ऐतिहासिक लिसे धार्मिक महत्व क्वःबियाः च्वंगु अर्घाखााची भगवती मन्दिर क्षेत्र थनया छगू महत्वपूर्ण सम्पदा खः, गुगु मन्दिर चौबिसै राज्यया पालय् थनया दरबार धकाः म्हस्यू । थुगु मन्दिरय् मोहिया कोजाग्रत पूणिर्मा, राम नवमी, कृष्ण जन्माष्टमीया दिं खुन्हु तःधंगु मेला जुइ । थुगु मन्दिरया उत्तरपाखे मनोरम हिमशृंखला, दक्षिणपाखे तराईया फााटत अले भारतीय भूमि नापया दृश्यावलोकन यायेफु ।
द्वलंद्वः दा न्ह्यः थौंकन्हय्या पाकिस्तानया लाहोर भूमिपाखें ज्ञान प्राप्त यायेगु झ्वलय् अर्घाखााचीया खिदमीइ थ्यंक वःम्ह पाणिनि ऋषिं थनस्थित पणेनाया लेकय् तपस्या यानाः संस्कृत व्याकरण च्वःगु खः । उकिं थ्व पाणिनि तपोभूमि विश्वभाषा सम्पदाया प्रमुख थाय् खः । अर्घाखााचीया पूर्वय् दुगु पणेना गाविसय् थ्व तपोभूमि लाः । अर्घाखााचीया पोखराथोक व पाल्पा जिल्लाया तीनधारेपाखें छुं मिनेट तं गयेधुंकाः थुगु क्षेत्रय् थ्यंकेफु । थुगु क्षेत्रया व्यापक प्रचार यायेफुसा धार्मिक, ऐतिहासिक व पर्यटकीय महत्वया कारण आन्तरिक व बाह्य निगुलिं कथंया पर्यटकयात आकषिर्त यायेफु । थुगु जिल्लाया मेगु आकर्षण नरपानी व सुपा देउराली मन्दिर क्षेत्रय् न्हियान्हिथं आपालं भक्तजन वयेगु याः । सुपा देउराली मन्दिरय् च्वलेचा व बखुं छाःसा मनंतुनागु फुक्क पूवनीगु जनविश्वास दु । अथेहे ठाडाया डम्मरु दह, सन्धिखर्कया शान्ति बगैाचा, छत्र महाराजया मन्दिर व मालारानी लगायतया दर्जनौं दर्शनीय थाय् प्रबर्द्धनया अभावय् समस्याय् लाना वयाच्वंगु दु । पर्यटन दाया ह्वःताः लाकाः केन्द्रनिसें जिल्ला तहतक्क छधी जुयाः न्ह्यःज्यायेगु खःसा अर्घाखााचीयात न्ह्याबलेंया नितिं नेपाःया छगू आकर्षण पहाडी गन्तव्य दयेकेफु । तर उगु अग्रसरताया शुरु धाःसा गबले जुइगु खः ?

More Stories Like this