एशियाली न्यूक्लियसय् नेपाः

अग्नीपुञ्ज

थःगु सीमा दुने प्रत्येक शरीरयात विश्वया दकले बांलाःगु शरीर तायेकेगु व कथिन हिन्दुस्तानी विग हाउसया समय मालिकतय्गु जगतय् थनेगु दक्षिणया सीमा पिनेया जीवनयात धाःसा की पतंगुया उपमा वीगुलीहे गर्व याइ । लोकयात न्यंकेगत वं जःलाखःला राष्ट्रतय् न्ह्यावलें शान्ति, स्थिरता, सुशासन व विकासया खँ न्ह्याक्कोहे धाःसां नं अन्तत वइगु फुक्क शान्ति जःलाखःला देशया हरेक कुनय् कायेत विषालु जगतया उत्पादन व परिचालनय् खर्च जुइ धयागु खँया दसि छगू जक मखु, सलंसः घटनाक्रम उखेथुखे दु, गुकिं साउथ ब्लकया वहे विषालु नियतयात पुष्टी यायेगु याइ ।

संकटग्रस्त साउथब्लक

तत्कालिन वृत्तिस सरकारं यानाव्यूगु विकासया जगय् न्हुपाः साउथ एशियाहे इमा जुइत स्वयाच्वंम्ह भारत सन्ततः व थःगुहे देय् दुनेया माओवादी जनयुद्धया कारण बोइलर खाय् हिलावंगु किपाः याउँकहे खंके फु । विश्वयाहे आर्थिक शक्ति राष्ट्रपाखेया यात्राय् सकृय देश, थःगुहे देश दुनेया करौडौं करोड गांसबासविहिन जीवनतय्सं साम्थवादया म्हगस क्ववुयाच्वंगु भारतीय कम्युनिष्ट पार्टी -माओवादी) या नेतृत्व दतधाःसा, व अवस्था धयागु भारतीय संस्थ्ापन पक्षया नितिं यक्कों विस्फोटक जुइगु खनेदु । छाय् धाःसा गांस बास मदुपिं मनूतय्गु नितिं माल धाःसा थःगुहे सासया नं आसया मदु धयागु खँ नेपाःया झिदँया जनयुद्ध व झिंगुन्हुया जनआन्दोलनं पुष्टि याये धुंकूगु खँ प्रति दिल्ली दरवार अनभिज्ञ जुइहे फैमखु । भारत कब्जा यायेन्ह्यः पूर्व वृटिस साम्राज्यवादयाहे देखासिकी विदेशी नीतिइ न्ह्यानाच्वंगु भारतीय सत्ताय् धुलमिल जूपिं कट्टरपन्थी धार, यथास्थितिवादी धार, उदारवादी धार, व सुधारवादी धारया दथ्वी ायगच उयभिम ष्लतभच-अय-ििष्कष्यल चरम विन्दुइ थ्यंवलय्या स्थितिं झनै नीतिगत तहलय् छेदविच्छेद भारतया जन्म याकेगु सम्भावनायात सुनां नकारे याये फैमखु । अर्थ नीति, विदेश नीति व सुरक्षा नीतिया कवजं अप्वःयानाः जःला खःला देय्तय्त त्वपुइत तल्लिन दिल्ली छन्हु जःलाखःला देय्तय्गु मंकाः व सश्लेषित अर्थ, विदेश व सुरक्षा नीतिया आवरणय् न्ह्यंकेत वाध्य जुइमालीगु अवस्था अवश्यांभावी दु । ल्याटिन अमेरिका न्यंक न्ह्यानाच्वंगु समाजवादी महादेशीयलहरया धनत्वं थःगु स्वरुपय् साउथ एशिया त्वपुइत ताःलात धाःसा थ्व परिणामयात सुनां पनेफैमखु ।

क्वयांनिसें कारखानातक्कया सुरक्षा वियावयाच्वंपिं गोरखालीतय्गु जीवनय् गुगु सुरक्षा हाथ्या सरकारं इपिंप्रति दवाव, अपमान व निश्काषणया श्रृंखला न्ह्यात धाःसा दिल्ली क्याविनेटया नीप्यघौ पाः च्वनाच्वनेगु व भारतीय टुकडीया वाध्यात्मक कुटनीतिक प्रतिरोधयात पचय् यायेत नं दक्षिणी विग हाउसयात महाभारत हे जुइफु । उकिं नेपाःमि ल्याय्म्हतय्गु ब्वह पासा मदयेकं भारतया क्वथा न सुरक्षित जुइ नत कारखाना व क्याविनेटहे । गुगु देय्या जनताया काय्पिसं थःगु देय् बचय् यानाच्वंगु दु, वहे देय्या जनता व जमिनं खतरा महसुस यानाः सुपुर्दगी सन्धिया शब्दजाल दयेकेगु धयागु उगु देय्या पुरा आकाश व धरती कब्जा यायेत छगू विषालु चक्रव्यूह वाहेक मेगु छुहे जुइफै ? थःगुहे भूगोलया करौडौ नागरिकतय्गु वाराक्वारा संगु जिन्दगीनाप स्वाःगु मर्म व कष्टकर अवस्थाय् दासुगत भौचा स्वापू तइम्हं संस्थापन पक्ष वल्र्ड पावरय् उपस्थिति क्यनेत धाःसा महासागर पारीया वासिङ्गटन नाप हनिमुन मानय् यानाः आणविक सन्धिइ न्ह्यःने वनी । दक्षिण एशियां चीनयात काउन्टर वीत इण्डियन क्याविनेटया सकृय ग्वाहालि व सहभागीताय् विश्वया छगू तसकं महत्वपूर्ण सामरिक केन्द्र धयातःगु दक्षिण एशियाय् गथ्य व्हाइट हाउसं थःगु आणविक प्रणाली स्वकल, विश्वयाहे शक्ति सम्पन्न ओवामानाप झिंनिगू महिना मधुमास मानय् यायेदइगु आशां मनमहिनासिइ मख्ख दु । तर विचाः मयाःगु खँ छु खःले धाःसा एशियाली महाद्वीपय् यदि चीनया उपस्थिति जुइफैमखुसा, ओबामानापया आणविक स्वापू वा थ्वहे नाप स्वानाच्वंगु ओवामा मनमोहनया हनिमुन कल्पनाय्हे सिमित जूइगु खः । छख्य थाुकया जक थ्यंकेफैगु आणविक शक्ति केन्द्रया परिधिदुने थ्यंकेफैगु व मेख्य वल्र्ड पावरया छगू महत्वपूर्ण साझेदार व दावेदार दयेकेत राष्ट्रसंघीय सुरक्षा परिषद्या स्थायी सदस्य नं दयेके माःगु राजनीतिक वाध्यताय् फसय् जुयाच्वंगु हिन्दुस्तानं न्हापांगु लक्ष्य वासिङ्गटन नापया आणविक लगनगथःनं पूवंकेफैसा निगूगु लक्ष्य पूवंकेत थःगु गोलाइया राजनीतिक दुश्मन तायेकेगु चीननापया वनावटी व क्यनेत अस्थायी कुटनीतिक सामिप्यता विना सम्भव कदापी मदु । उकिंया चीन महाशक्ति जुइत तयार याःगु धाःगु विक्सय् व सहभागी जुइत तयार जुल व थुकिया दुने रुस व चीनया समर्थन मुनेत भारत हरदम कुतः यानाच्वंगु दु । दकले लिपा नेटों लिवियाय् हमलाया न्ह्यसलय् विपरित राजनीतिक ध्रुवया चीन व रुसया मंकाः सलय् सः मलीय् यानाः नेटोया हमलाया विरोध यानाः वेइजिङ्ग व मस्कोया समर्थन मुनेत थप कुतः याःगु दु । प्रष्ट दु कि व्हाइट हाउसं न्ह्यावलें शत्रुया मिखाकुलिं व दुरविनं स्वयेगु याःगु चीन व रुस नापया सत्तिइगु नातां भारतया आणविक जीवनय् छुं मखु छुं हलचल हयेगु जरुरी दु । काश्मीर मुद्दाय् खनेदुगु अमेरिकी तटस्थतां नं सम्भावित वहे हलचलयात क्यनेत स्वःगुला मखुला ?

थथ्य भारतया करौडौं खानी प्वाःत एयतभलतष्ब भ्लभचनथ विस्तारवादी सत्ताया अन्त्य यानाः जनसंख्याया हकय् विश्वयाहे निगूगु विग हाउसय् जनवादी क्रान्ति पूवंकेत तल्लिन माओवादीतय्गु प्ष्लभतष्अ भ्लभचनथ भारतीय सेनाय् कार्यरत गोर्खाली सेनातय्गु मुंकातःगु क्ष्लतभचलब भ्िलभचनथ हिडस्शनं प्रतावित वयागु जःलाखःला देय्तय्गु लिसः व महाशक्तितय्गु दथ्वी अघोषित गठजोडं उत्पन्न जुइगु सुपर पावरं अन्तर्गतत्वा साउथ ब्लक संकटय् दल दलय् फसय् जुइगु सम्भावनायात इन्कार यायेफैमखु ।

More Stories Like this