शास्त्रीय संगीत बारे गोष्ठी
येँ (सन्ध्या टाइम्स)/'शास्त्रीय संगीत जनसमक्ष छाय् लोकप्रिय जुइ?' धइगु विषयय् नकतिनि हे छगू बिचार गोष्ठी जुल। नेपाल संगीत तथा नाट्य प्रज्ञा प्रतिष्ठानया ग्वसालय् जूगु उगु ज्याझ्वः प्रतिष्ठानया कुलपति संगीतकार अम्बर गुरुङ्गया सभापतित्वय् न्ह्याःगु खः। शास्त्रीय बाध्यबादक मोतिलाल शिल्पकार मूपाहां कथं झाःगु उगु ज्याझ्वलय् वय्कलं शास्त्रीय संगीत न्हूगु पुस्ताय् लोकप्रिय जुइ मफुगु दुःखया खँ खः धयादिल। ज्याझ्वलय् शास्त्रीय संगीतया बारे शकुन्तला प्रधानं ज्यापौ न्ह्यब्वयादीगु खःसा प्रतिष्ठानया प्राज्ञ रामकृष्ण दुवालं शास्त्रीय संगीतया विषयय् न्ववानादीगु खः ।
