बुंगद्यःया दाफा भजन बारे चक्का

यल (सन्ध्या टाइम्स)/श्री करुणामय (बुंगद्यः) नसंचा दाफा भजन खलःपाखें 'मच्छिन्द्रनाथ तथा श्री करुणामय नसंचा दाफा भजन परिचय' मूखँयात कयाः दयेकातःगु छगू फिल्म चक्काया चिखिफ्यने ज्या यात। खलःया नायः रामकृष्ण ताम्राकारं उगु चक्काया चिखिफ्यनेज्या यानादीगु खः। ज्याझ्वलय् सार्वजनिक जूगु चक्कायात कयाः श्यामकृष्ण व गोविन्द ताम्राकारपिंसं व्याख्यात्मक ढंगं थःथःगु नुगः खँ प्वंकादीगु खः ।