शसस्त्र समूहया छम्ह कार्यकर्ता सुपुर्दगी

येँ (झीगु स्वनिगः)

भारतीय प्रहरीं सशस्त्र समूहया छम्ह कार्यकर्तायात नेपाल प्रहरीदथुइ सुपुर्दगी याःगु दु । वंगु छुं दिं न्ह्यःनिसें भारतीय प्रहरीया नियन्त्रणय् दुगु भूमिगत सशस्त्र समूह जनतान्त्रिक तराई मुक्ति मोर्चा
-ज्वाला सिंह समूह)या महोत्तरी इन्चार्ज जीवन त्यागीयात भारतीय प्रहरीं नेपाल प्रहरीयात सुपुर्दगी गयाःगु खः । महोत्तरीया भ्रमरपुरा गाविस वडा ल्याः ९ भगवानपुरसं च्वंम्ह जीवन त्यागी धइम्ह इन्द्रजीत यादवयात भारतीय प्रहरीं महोत्तरीया प्रमुख नाका भिठ्ठामोडय् नेपाल प्रहरीयात जिम्मा ब्यूगु खः । त्यागीयात नेपाल प्रहरीया न्ह्यःने बिइत भारतया विहार राज्य अन्तर्गतया परिहार प्रहरी थानाया प्रहरी टोली वःगु खःसा जिम्मा कायेगु नितिं महोत्तरी प्रहरीया एसपी विनोद शर्मा घिमिरे व सशस्त्र प्रहरीया एसपी जनकबहादुर बोहरा भिठ्ठामोड थ्यंकूगु खः ।