युनिटीयात कारबाही या : लेखा

येँ (झीगु स्वनिगः)

व्यवस्थापिका संसदया सार्वजनिक लेखा समितिं युनिटी लाइफ इन्टरनेशनल कानुन अःखः सञ्चालन जूगु दाबी यासें सञ्चालकतय्त कानुन कथं कारबाही यायेत सरकारयात उजं ब्यूगु दु । लेखां युनिटीयात खारेज यायेगु प्रक्रिया याकनं न्ह्याकेत नं सरकारयात उजं ब्यूगु दु । अर्थमन्त्री भरतमोहन अधिकारी व गृहमन्त्री कृष्णबहादुर महरालिसेया सहलहलिपा समितिं युनिटीया सञ्चालक लिसे व्यवस्थापकयात कारबाही यायेत व उमिगु निजी सम्पत्तिपाखें पीडितयात क्षतिपूर्ति बिइत उजं ब्यूगु दु ।

समितिया सभापति रामकृष्ण यादवं युनिटिया सञ्चालकतय्सं कानुन अःखः रकम संकलन, बीमा, ऋण प्रवाह याःगुलिं पीडितयात राहत बिइत व युनिटी खारेज यायेगुया विकल्प मदुगु धयादिल । समितिइ उपस्थित उपप्रधान लिसे अर्थमन्त्री भरतमोहन अधिकारीं युनिटीं गैरकानुनी रुपं कृयाकलाप न्ह्यःने न्ह्याकुगुलिं दोषीयात कार्बाहीया नितिं सरकार प्रतिबद्ध दुगु धयादिल । अथेहे उपप्रधान लिसे गृहमन्त्री कृष्णबहादुर महरां राज्यं दोषीयात छु नं अवस्थाय् संंरक्षण मयायेगु प्रतिबद्धता प्वंकुसें समितिया निर्देशन कथं कारबाही प्रकृया न्ह्यःने न्ह्याकेगु धयादीगु खः ।

More Stories Like this