बुखँयात कयाः राष्ट्र बैंकया च्यूताः

येँ (झीगु स्वनिगः)

वंगु छुं इलंनिसें थीथी बैंक लिसे वित्तीय संस्थाया बारे पिहांवःगु बुखाया विषययात कयाः नेपाल राष्ट्र बैंकं च्यूताः प्वंकूगु दु । नेपाल राष्ट्र बैंकया सुचं लिसे बुखात बैंकया प्रवक्तापाखें जक प्रवाहित जुइगु जूसां नं मेमेपिं अधिकारीपिनिगु हवाला ब्यूसें बुखा पिहांवःगु धासें राष्ट्र बैंकं ध्यानाकर्षण जूगु जानकारी ब्यूगु खः । बैंकया कार्यकारी निर्देशक लिसे प्रवक्ता भाष्करमणी ज्ञवालीं छगू विज्ञप्ति पिकयाः प्रवक्तां ब्यूगु बुखाय् जक विश्वास यायेत इनाप याःगु दु । देय्या वित्तीय प्रणालीइ समग्रताय् तःधंगु समस्या मदुगु व छुं संस्थाय् खनेदुगु तरलताया अल्पकालीन समस्यायात राष्ट्र बैंकं पुनर्कर्जा, विशेष पुनर्कर्जा, रिपो लिसे लिपांगु ऋणदाता कर्जा अन्तर्गत समाधान यानाच्वंगु जुयाः फुक्क निक्षेपकर्तातय्सं नियमित रुपय् थःथःगु बैंक वा वित्तीय संस्थालिसे यथावत् कारोबार यानाच्वनेत विज्ञप्तिइ न्ह्यःथनातःगु दु ।

More Stories Like this