किपुलिइ नागरिक अभिनन्दन
किपू (झीगु स्वनिगः)
विश्वया दक्ले तःजाःगु च्वापुगुँ सगरमाथा गयादीम्ह येँया दक्षिण पश्चिम लागाया न्हापांम्ह सन्त कुमार महर्जनयात वंगु शनिवाः छगू ज्याझ्वःया दथुइ किपूमितय्सं नागरिक स्तरं हनेज्या याःगु दु । किपू नगरया थाय् थासय् र्याली यानाः तगःवपि लागाय् थ्यंकाः छगू समारोह यानाः अथे हनेज्या याःगु खः । एकीकृत नेकपा -माओवादी)या सांसद दिलिप महर्जन मूपाहां जुयादीगु उगु समारोहलय् सगरमाथा गयादीम्ह सन्त कुमारयात दोसल्लां न्ययेकेगु नापं हना पौ तकं लःल्हाःगु खः । महर्जनं वंगु जेठ १४ गते सगरमाथाया च्वकाय् थ्यंकादीगु खः । ज्याझ्वलय् थीथी कथंया सांस्कृतिक ब्वज्या नं याःगु खः ।
