कांग्रेसपाखें बजेट बैठक बहिष्कार
येँ (सन्ध्या टाइम्स)/वइगु अर्थिक दँया बजेट हयेगु विषयसं सहलह ब्याकेगु नितिं अर्थमन्त्री भरतमोहन अधिकारीं सःतादीगु बैठक प्रमुख प्रतिपक्ष नेपाली कांग्रेसं बहिष्कार याःगु दु। सहमतिया लिधंसाय् असार मसान्तया दुने बजेट हयेगु विषयय् अर्थमन्त्री अधिकारीं थौं सत्तारुढ दल व कांग्रेसया मंकाः बैठक सःतादीगु खः। कांग्रेस प्रतिनिधित मवःसां बजेट बारे धाःसा सिंहदरवारय् च्वंगु बैठकं असार ८ गतेनिसें संसदय् बजेटयात कयाः सहलह ब्याकेगु सहमति याःगु दु। बैठकय् माओवादी, एमाले व फोरमया प्रमुख सचेतकपिं उपस्थिति जूगु खः। कांग्रेसया प्रमुख सचेतक लक्ष्मण घिमिरें थौं हे स्वंगू दलया शीर्ष नेतातय्गु बैठक दुगुलिं उगु बैठक लिपा जक थःपिंसं बजेटया बारे सहलह यायेगु धकाः उपस्थिति मजुयागु खः धकाः धयादीगु दु। कांग्रेसं न्यागू बुँदाया सहमति लिपा जक बजेटया बारे थःपिन्सं बिचाः यायेगु धकाः अडान कयाः वयाच्वंगु खः ।
