कोइराला - नेपाल भेटवार्ता

येँ (सन्ध्या टाइम्स)/बाःछिया निंतिं विदेश भ्रमणय् वने न्ह्यः नेपाली कांग्रेसया सभापति सुशील कोइरालां थौं सुथय् एमालेया वरिष्ठ नेता माधवकुमार नेपालयात नापलानाः सहलह ब्याकादीगु दु। नेपाल निवास कोटेश्वरय् हे वनाः कोइरालां नाप लानादीगु खः। स्वंगू दलया शीर्ष नेतातय्गु दथुइ थौं जुइगु बैठक न्ह्यः कांग्रेस सभापति कोइरालां नेपालयात नापलाना दीगुयात मनूतय्सं अर्थपूर्ण रुपं कयाहःगु दु। उगु भेटया इलय् कोइरालां न्यागू बुँदाया सहमति कार्यान्वयन, थःगु विदेश भ्रमणया बारे सहलह ब्याकेगु नाप नापं संविधान च्वयेगु नितिं थःपिंसं तयाः वयाच्वनागु अडानयात साथ बीत नं इनाप यानादीगु खः धकाः धाःगु दु ।