सशस्त्र पुचःया नेतायात भारतं नेपाली प्रहरीयात लःल्हात

येँ (सन्ध्या टाइम्स)/भारतीय प्रहरीं सशस्त्र पुचःया नेतायात नेपाःया प्रहरीयात सपुर्दगी याःगु दु। वंगु प्यन्हु न्ह्यःनिसें भारतीय प्रहरीया नियन्त्रणय् लानाच्वंम्ह भूमिगत सशस्त्र पुचः जनतान्त्रिक तराई मुक्ति मोर्चा (ज्वाला सिंह पुचः)या महोत्तरी इन्चार्ज जीवन त्यागीयात भारतीय प्रहरीं वंगु चान्हय् नेपाल प्रहरीयात लःल्हाःगु खः। महोत्तरी भ्रमरपुरा गाविस भगनापुरया त्यागी नांया इन्द्रजीत यादवयात भारतीय प्रहरीं नेपाल प्रहरीयात सुपुर्दगी याःगु खः। त्यागीयात नेपाल प्रहरीयात लःल्हायेत भारतया विहार राज्य अन्तर्गया परिहार प्रहरी थानाया प्रहरीया पुचः वःगु खःसा जिम्मा कायेगु नितिं महोत्तरी प्रहरीया एसपी विनोद शर्मा घिमिरे व सशस्त्र प्रहरीया एसपी जनकबहादुर बोहरा महोत्तरीया भिठ्ठामोड वंगु खः ।