नेवाःतय्सं राजनीतिक अभियान न्ह्याकीगु

येँ (सन्ध्या टाइम्स)/नेवाः स्वायत्त राज्य मंकाः संघर्ष समितिं नेवाः स्वायत्त राज्य सुनिश्चितताया नितिं संघर्ष यायेगु झ्वलय् राजनीतिक अभियान न्ह्याकीगु जूगु दु। थ्व सम्बन्धय् म्हिगः नेवाःतय् जातीय खलः पुचःया प्रतिनिधितलिसे जूगु सहलह मुँज्याय् वइगु भदौ १४ गते न्ह्यः तःजिक जनप्रदर्शन यायेगु नितिं जातीय खलः पुचःया सक्रियताय् नेवाः राज्य, गणतन्त्र व संघीयताया सवालय् त्वाः त्वालय् अन्तर्क्रियाया माध्यमं अभियान हे न्ह्याकेगु खँ क्वःछिउगु खः। ज्याझ्वलय् ३० गू जातीय खलःपाखें प्रतिनिधित्व याःगु खःसा मंगलवाः मुँज्या च्वनाः अभियानया नितिं तयारी याइगु जूगु दु ।