लडाकु व ल्वाभः छक्वलं समायोजन : मन्त्री रायमाझी

पोखरा (झीगु स्वनिगः)

भौतिक योजना लिसे निर्माण मन्त्री टोपबहादुर रायमाझीं जनमुक्ति सेनाया समायोजनलिसे ल्वाभः सरकारया नियन्त्रणय् वइगु धयादिल । पोखरा बिमानस्थलय् सञ्चारकर्मीलिसे खाल्हाबल्हा यानादिसें मन्त्री रायमाझीं ल्वाभः व सेनायात ब्यागलं तयेमज्यूगु स्पष्ट यानादिल । शान्ति प्रक्रियायात क्वःछीत, न्हूगु संविधान पिथनेत व देय्यात समृद्धिपाखे यंकेत राष्ट्रिय सहमति अनिवार्य जूगु बिचाः प्वंकादिसें वय्कलं राष्ट्रिय सहमति जुइधुंकाः जक प्रधानमन्त्रीया राजीनामा वइगु धयादिल । न्यागू बाुदे सहमति भदौ १४ गतेदुने हे कार्यान्वयन जुइमाःगु खाय् बहः बियादिसें मन्त्री रायमाझीं सहमति पालना जूसा जक देशं निकास कायेमफइगु बिचाः तयादीगु खः । छगू ब्यागलं प्रसंगय् वय्कलं पार्टीइ बिचाः व सहलह यायेगु स्वतन्त्रता दुगु धयादिल । थीथी थासय् जूगु भेलायात वय्कलं गोप्य मजुसे सहलहया स्वतन्त्रता जूगु बिचाः नापं तयादीगु खः ।