विराटनगरय् थौं नं कर्फ्यु

येँ (सन्ध्या टाइम्स)/पत्रकारयात आक्रमण याःगु घटनाया विरोधय् व उकिया प्रतिकारय् ब्यागलं ब्यागलं कथंया प्रदर्शन जुयाः ल्वापु जुइफुगु आशंका यानाः मोरङ प्रशासनं थौं नं विराटनगरय् निषेधाज्ञा जारी याःगु दु। धर्ना, जुलुस, सभा, प्रदर्शन यायेमदु धकाः स्थानीय प्रशासनं थौं सुथय् ६ बजेनिसें बहनी ६ बजे तक हे निषेधाज्ञा जारी याःगु खः। प्रमुख जिल्ला अधिकारी शुरेस अधिकारीं न्याम्हसिबें अप्वः मनूत छक्वलं मुनाः उखे थुखे जुइगु, सभा, जुलुस याये मदु धकाः तकं प्रतिबन्द तयागु खः धकाः जानकारी बियादीगु दु ।