हुम्लाय् भुखाय्

येँ (सन्ध्या टाइम्स)/नेपाःया हिमाली जिल्ला मध्ये नं तसकं विकट लागा कथं नालातःगु हुम्ला जिल्लाय् थौं सुथय् भुखाय् ब्वःगु दु। हुम्लाया सदरमुकाम सिमिकोटय् सुथय् ६:२० बजे उगु भुखाय् ब्वःगु खः। अन निक्वः तक भुखाय्या धक्का महसूस जूगु खँ स्थानीय मनूतय्सं धाःगु दु। सिमिकोटय् ४.२ रेक्टर स्केलया भुखाय् ब्वःगु खः। तर उगु भुखाचं छुं कथंया क्षति धाःसा मजूगु खँ धाःगु दु ।