लिबियाय् आक्रमण यायेत कांग्रेसया स्वीकृती कायेम्वाः : ह्वाइट हाउस
अमेरिका (एएफपी)
अमेरिकी राष्ट्रपति बाराक ओबामां लिबियाय् थप आक्रमण यायेत अमेरिकी कांग्रेसया स्वीकृती कायेम्वाःगु ह्वाइट हाउसं जानकारी ब्यूगु खः । ताः ईलिपा आन्दोलन तच्वयाः च्वंगु लिबियाय् नेटो गठबन्धनं न्ह्याकाः च्वंगु सैनिक हस्तक्षेप जायज जूगु निश्कर्ष पिकासें ह्वाइट हाउसं अमेरिकां थःगु भूमिका अझ नं न्ह्याकाः च्वनेमाःगु धाःगु खः । लिबियाया सम्बन्धय् ह्वाइट हाउसं सार्वजनिक याःगु स्वीनिगू पृष्ठ ताःहाकःगु दस्तावेजय् लिबियादथुइ आक्रमण न्ह्याकाः च्वनेत ओबामां कानूनी अधिकार प्राप्त यायेधुंकूगु न्ह्यःथनातःगु खः । थ्व स्वयाः न्ह्यः भियतनामय् अमेरिकां याःगु हस्तक्षेपया सम्बन्धय् अमेरिकी कांग्रेसया स्वीकृती कायेमाःसां नं लिबियाया मामलाय् अज्याःगु आवश्यकता म्वाःगु हृवाइट हाउसं धाःगु खः ।
More Stories Like this
दक्षिणी अफगानिस्तानय् नीम्ह तालिवानपाखें आत्मसमर्पण भारतया उडिसाय् चलखं झिंखुम्ह सित अमेरिका व बेलायतया गुप्तचर एजेन्सीया गद्दाफीलिसे साँठगाँठ रुसं सिरीयाया चिकं मन्यायेगु विषययात कयाः कुंखिन जापानय् न्ह्यगू दशमलव छगू रेक्टरया भुखाय्
