अल जवाहिरीयात न्हूम्ह नेताया रुपय् ल्यल

पाकिस्तान (एजेन्सी)

आतंकवादी संगठन अल-कायदां अयमन अल-जवाहिरीयात थःपिनिगु न्हूम्ह नेताया रुपय् ल्यःगु दु । वंगु महिना पाकिस्तानय् ओसामा विन लादेनया अमेरिकी सैनिकं हत्या यायेवं अल-कायदां न्हूम्ह नेताया रुपय् ल्यःगु खः । संगठनया जनरल कमाण्डं बिज्ञप्ति पिथना अल-जवाहिरीयात नेता ल्यःगु न्ह्यःथंसें बीबीसी अनलाइनं जानकारी ब्यूगु खः । नापनापं वय्कःया हे निर्देशनय् अमेरिका व ईजरायल बिरुद्ध धार्मिक युद्ध यायेगु ख्याच्वः नापं ब्यूगु दु । ईजिप्टय् जन्म जूम्ह जवाहिरी ताःहाकःगु ईतक्क विन लादेनया सहायकया रुपय् ज्या याःगु धाःगु दु । अमेरिकी सैनिकं लादेनया हत्या यायेधुंकाः अयमन अल जवाहारीं विन लादेनं अमेरिकीतय्त चिहानपाखें नं निरन्तर ख्यानाः च्वनेगु प्रतिकि्रया ब्यूगु खः । वय्कः अफगानिस्तान व पाकिस्तानया सीमा क्षेत्रय् दुगु धुकुमाः यानातःगु खः ।

More Stories Like this