शैक्षिक प्रदर्शन व सहलह ज्याझ्वः याइगु

किपू (झीगु स्वनिगः)

कीर्तिपुर स्वयंसेवक समाजया ग्वसालय् एसएलसी जााज बियाः च्वनाच्वंपिनिगु नितिं शैक्षिक प्रदर्शन व सहलह ज्याझ्वः यायेत्यंगु दु । वइगु असार ४ गते शनिवाः सुथसिया १० ताः इलंनिसें ५ ताः इलय्तक्क जुइगु उगु ज्याझ्वलय् येँ व यलया झिंगुंगू मा.वि. व क्याम्पसतय्सं ब्वति काइ । उगु प्रदर्शनीइ थःम्हं ब्वनेत्यनागु विषय व व नाप सम्बन्धित कलेजयाबारे माःगु जानकारी बीगु ज्या जुइ । उगु ज्याझ्वलय् जुलिकेन्ट कलेज, कालिमाति, ज्ञानकुञ्ज कलेज, रविभवन, काठमाण्डौं बर्नहर्ट कलेज, बल्खु, डिस्कभरी एजुकेशन नेटवर्क, जावलाख्यः, अरविट कलेज, कलंकी, ल्याबटरी उ.मा.वि., किपू, रिचमण्ड एकेटडमी कुलेश्वर, डि.ए.भि. कलेज जावलाख्यः, एशियन कलेज अफ हायर स्टडिज, जावलाख्य, काठमाण्डौं क्याम्पस, कालमाति, जनसेवा उ.मा.वि. किपू, एशियन कलेज, किपू, नेशनल इन्टिगे्रडेड कलेज, डिल्लीबजार, क्यापिटल हिल एकेडमी, टेकू, एभरेष्ट कलेज, थापाथली, शहीद स्मारक कलेज, किपू, क्यामेलिया कलेज, बल्खु । थुगुकथं उगु समाजं वंगु न्हय्दानिसें थुगुकथं शैक्षिक परामर्शया ज्याझ्वः यानावःगु खः । ज्याझ्वः थनया कीर्तिविहार, किपुलिइ जुइत्यंगु खः ।