एमाले दुने नेवाः नेतृत्व बूगु खः कि षडयन्त्र

सानुराजा शाक्य

एमालेया नीति निर्माण तहलय् पुलांिपं शीर्ष नेवाः एमाले नेतात थुगुसीया महाधिवेशनं लिउने लात । एमालेया च्याक्वःगु महाधिवेशनय् न्वकु पदय् दनादीम्ह सहाना प्रधान व केन्द्रीय सदस्य वरिष्ठ नेता सिद्धिलाल िसंह व गोपाल शाक्य बुत । थ्वय्कःिपं स्वम्हं नेपाःया कम्युनिष्ट आन्दोलनय् ज्वः मदुगु योगदान दुिपं खः । वय्कःपिनिगु जीवन कम्युनिष्ट आन्दोलनया िनंितं हे नमूना खः । तर वय्कःिपं त्याये मफुत । नेकपा एमाले दुने वैचा- रिक नेतृत्व यायेफुम्ह धकाः च्वछायातःम्ह राजेन्द्र श्रेष्ठ नं छ्यााजे पदय् बुत । थ्व श्रृंखला नकतिनि क्वचाःगु पोलिटब्युरोया चुनावय् एमालेय् स्वनिगलं प्रति- निधित्व याईपं निम्ह नेवाः हस्ती राजेन्द्र श्रेष्ठ व कृष्णगोपाल श्रेष्ठ निम्हं बूगु घटनां एमाले दुने ज्या यानाच्वंिपं नेवाः कार्यकर्तात चिन्तित जुयाच्वंगु दु ।
एमालेया नीति निर्माणया गुगु तहं यक्व खँया निर्णय याइगु खः स्थायी कमिटीइ सुं हे नेवाः नेतृत्व थ्यने मफुत । पोलिटब्युरोय् नं उपस्थिति कमजोर जूगु अवस्थाय् एमाले दुने नेवाः सः ल्ह्वनेगु जिम्मा रविन्द्र श्रेष्ठ व अष्टलक्ष्मी शाक्यया जक जूवंगु दु । खय्त ला वैकल्पिक केन्द्रीय कमिटीइ गंगालाल श्रेष्ठ व केन्द्रीय कमिटीइ विनोद श्रेष्ठ व जीवनराम श्रेष्ठ नं दुथ्यायेत सफल जुल । तर थःगु जागीरयात हाकुतिनाः पार्टी जीवनय् पाःवःिपं राजेन्द्र श्रेष्ठ व कृष्णगोपाल श्रेष्ठ निम्हं पोलिटब्युरोय् थ्यने मपुूगु अवस्थां एमालेया निितं वय्कःिपंसं बिउगु योगदानया मूल्यांकन गनथाय् लात धकाः न्ह्यसः नं मदंगु मखु ।

एमाले दुने थौंकन्हय् स्वंगू धारया संघर्ष जुयाच्वंगु स्वीकार हे जुयाच्वंगु दु । छगू धार एमालेया अध्यक्ष झलनाथ खनाल मेगु धार खड्ग ओली व माधव नेपालया मध्यमार्गीया रुपय् कायेगु याः । थ्व स्वंगू धार वैचारिक स्वयां गुटया रुपय् प्रतिस्पर्धा जुयाच्वंगु खनेदु । थुगसीया महाधिवेशनय् माधव नेपाल पुचःपाखें खड्ग ओली गुटयात ग्वाहालि याःगुिलं खड्ग ओली थः अध्यक्ष बूगु खःसां केन्द्रीय कमिटी निसें स्थायी कमिटी तक प्रभाव दयेकेत सफल जूगु खने दत । एमालेय् दुिपं नेवाः नेतृत्व मध्यय् सहाना सिद्धिलाल राजेन्द्र सीदयेक झलनाथया पक्षधरत खः । अथे हे कृष्णगोपाल व विनोद श्रेष्ठ खड्ग ओलीनाप यक्व सतीिपं नेतात खः । माओवादीं एमालेय् दुहां वःम्ह रविन्द्र श्रेष्ठयात माधव नेपालया क्वातुगु समर्थन दु । वय्कःयात खड्ग ओली व झलनाथ निगुिलं पुचलं स्वीकार्य जूम्ह नेताकथं कायेगु याः । माओवादीं दुहां वःम्ह छम्ह वैचारिक सशक्तता दुम्ह नेता जूगुिलं वय्कःयात लिउने लाकेगु पक्षय् सुं मदु गुिकं यानाः वय्कः केन्द्रीय कमिटी व पोलिट-ब्युरोय् दकलय् अप्वः मत काःिपं मध्यय् लाः । वय्कःया सम्बन्ध स्वनिगःया नेवाः नेतातनाप तुलना यानाः स्वयेबलय् वैचारिक रुपं राजेन्द्र श्रेष्ठनाप सःतीसा कृष्णगोपालनाप नं उलि हे क्वातु । विशेष यानाः स्वनिगःया स्थानीय नेतृत्वया हिनू सिउिपं एमालेया निम्ह नेता राजेन्द्र श्रेष्ठ व कृष्णगोपाल श्रेष्ठ निम्ह निगू पुचःया विश्वासपात्र नेतृत्व खयां नं पोलिटब्युरोय् वय्कःिपं निम्हेसितं बुका बिउगुयात षडयन्त्र कथं एमालेया नेवाः कार्यकर्तातसें कयाच्वंगु दु । स्वनिगलं नेवाः नेतृत्व विस्थापित यायेगु निितं क्वंनिसें विकास यानाः थनया कार्यकर्तातनाप परिचित निम्ह नेतृत्वयात पितिनाः स्वनिगलय् गैरनेवाः नेतातय्त स्थापित यायेगु षडयन्त्र कथं थुकियात काः । एमालेयात अति ब्राम्हणवादी पार्टी जुल धइगु द्वपं मेिपंसं मबियाच्वंगु मखु ।

नेपालय् हे एमाले पार्टीयात दकलय् तःधंगु पार्टीया रुपय् विकास यायेगु िनंितं स्वनिगःया नेवाःतसें यक्व तिबः बिउगु इतिहास साक्षी दु । एमाले पार्टीया विकासय् पद्मरत्न दुर्गालालया नापनापं थनया नेवाः आन्दोलनया शतप्रतिशतं ग्वाहालि याःगुिलं एमाले पार्टी देय्न्यंकं थ्यने फुगु खः । थ्व योगदानयात एमाले पार्टीं उच्च मुल्यांकन यात धकाः न्यने खंगु मदु । अःखतं थनया नेतृत्वय् नेवाःत विस्थापित जुयावंगुयात लोकतान्त्रिक व सक्षमिपं न्ह्यःने वइ धकाः एमाले दुने नेवाःतय्त विस्थापित यायेगु झ्वलय् हे गनं राजेन्द्र व कृष्णगोपालया राजनीतिक इतिहासयात पनेत स्वयाच्वंगु जकं खः ला
म्हिगः नेवाः आन्दोलनं एमालेयात ग्वाहालि याःिपं यक्व नेवाःत थौं एमालेय् मदु । गुकिया कारणं वंगु संविधानसभाय् एमाले स्वनिगलं छगू सीट नं त्याके मफुगु यथार्थयात सुधार यायेगु ज्याय् एमाले सफल मजूनि । थौं नेवाः आन्दोलनया यक्व ग्वाहालिमित गुम्हं माओ- वादीइ गुम्हं नेपाः पार्टीइ थ्यने धुंकल । थ्व अवस्थायात सुधार यायेगु खःसा एमालंे वैचारिक व नेतृत्व विकासय् थनया नेवाःतय्त विशेष महत्व बी हथाय् जुइधुंकल । तर येँ व यलया जिल्ला कमिटीइ सम्भावित नेवाः उपसचिव कथं विद्यासुन्दर शाक्य व हरिकृष्ण व्याजनकारयात ल्यये माली धकाः थौंतक उपसचिव तकं मल्यः । व्यक्ति मखु विचारयात च्वछायेगु खःसां नं एमालें आदिवासी जनजातिया सवालयात क्वातुक ज्वने ला मज्वने ला यानाच्वंगु वास्तविकता खः । आदिवासी जनजाितं ल्ह्वनाच्वंगु स्वशासन स्वायत्त प्रदेश व पहिचान सहितया प्रदेशया मागयात एमालें अझं छु यायेगु धकाः निर्णय मयाःनि । एमालें थः कार्यकर्ता दथुइ छलफलया िनंितं हःगु मस्यौदा संविधानय् आदिवासी जनजातितसें ल्ह्वनाच्वंगु मुद्दायात प्राथमिकताय् तयातःगु मदु धकाः न्वायेत मछाले माःगु मदु । स्वनिगलय् एमालेया स्थानीय राजनीतिया नेतृत्व याइगु तह धइगु उपत्यका समन्वय कमिटी खः । थ्व कमिटीं महाधिवेशन न्ह्यः तक राजेन्द्र श्रेष्ठ इन्चार्ज व कृष्णगोपाल श्रेष्ठ सहइन्चार्ज जुयाः ज्या यानाच्वंगु खः । एमालेया महाधिवेशन धुंकाः कार्यविभाजन मजूनि । तर वय्कःिपं निम्हं पोलिटब्युरोय् मथ्यंगुिलं सायद स्वनिगःया नेतृत्वय् रविन्द्र श्रेष्ठया विकल्प मदु । तर वय्कःयात नेतृत्वया अवसर मबिसे स्वनिगःया नेतृत्व सुं गैरनेवाः हल धाःसा निश्चित दु स्वनिगःया नेवाःतय् दथुइ एमालेया राजनीति भज्यंंक स्यनी ।

More Stories Like this