झापाय् न्हापांगु मुँज्या

नेवाः देय् दबू शान्तिनगर झापाया न्हापांगु मुँज्यां (गाँउ अधिवेशन) धन बहादुर श्रेष्ठया नायःसुइ न्हूगु कार्यसमिति चयन याःगु दु ।

न्हूगु कार्यसमितिया न्वकुइ निर्मला श्रेष्ठ, छ्याञ्जेय् के.सी श्रेष्ठ, दांभरीइ राम प्रधान व ल्यू छ्याञ्जेय् निलम श्रेष्ठ ल्य:गु दु । उकथं हे दुजलय् रुपा श्रेष्ठ, रोशी श्रेष्ठ, धन कुमार श्रेष्ठ, मोहन श्रेष्ठ, सन्तोष श्रेष्ठ, रोजीस लगायत च्वनादीगु दु ।

नेवाः देय् दबू झापाया नायः नापं ज्याझ्वःया मूपाहाँ कृष्ण उदासं जाति, भाषा, व ऐतिहासिक पृष्ठभुमिया आधारं संघियता दुने स्वायत्त राज्य पलिस्था जुइमा:गु धयादिल ।

ज्याझ्वःलय् नेवाः देय् देबू राष्ट्रिय परिषदया दुज: नापं ज्याझ्व:या विशेष अतिथी भरत श्रेष्ठ व आदिवासी जनजाति झापाया नाय: अमर रञ्जितकारया नं ब्वति दुगु खः । ज्याझ्वःलय् शान्तिनगर झापाया छ्याञ्जे के.सी श्रेष्ठं बार्षिक आय ब्यय प्रस्तुत यानादीगु खः ।

More Stories Like this