स्वम्हं नेता न्हापांखुसी छगू हे दबुली

येँ (सन्ध्या टाइम्स)/आन्तरिक कलहं यानाः स्वखे स्वयाच्वंपिं माओवादीया स्वम्ह शीर्ष नेतात थौं बल्ल छगू हे दबुली दनीगु जूगु दु। सेनां स्याःम्ह पार्टीया केन्द्रीय दुजः रितबहादुर खड्काया गुक्वःगु पुण्य तिथिसं रौतहटया पिपराय् थौं जुइगु ज्याझ्वलय् स्वम्हं नेतातय्सं ब्वति कायेत्यंगु खः। ज्याझ्वः माओवादी भोजपुरा राज्य समितिं यायेत्यंगु खः। समितिइ च्वंपिं किरण पक्षया कार्यकर्तातय्सं सोमवाः भेला याःगु खःसा प्रचण्ड पक्षं मंगलवाः भेला याःगु खः। ज्याझ्वलय् ब्वति कायेत स्वम्हं नेतात थौं हेलिकप्टरं उखे वनीगु ज्याझ्वः दु ।