
सुडान सरकारं बम लायेगु ज्या न्ह्याकल - राष्ट्रसंघ
सुडान (एएफपी)
सुडान सरकारं उत्तर - दक्षिण सीमाय् बम लायेगु अभियान न्ह्याकूगु दु । अभियानया कारण दक्षिण कोर्डोफान क्षेत्रया जनता प्रभावित जुइगु जानकारी ब्यूगु खः । दक्षिणी सुडान पक्षया पुचलय् उगु सीमा क्षेत्रय् आतंक सृजना यायेगु कुतः याःगु उत्तरी सुडानया सेनां द्वपं ब्यूगु खः । विवादित शहर अविईपाखें निख्यरं सेना लित छ्वयेगु सहमति जुइवं हे बम लायेगु अभियान सार्वजनिक जूगु खः । राष्ट्रपति ओमार अल बसार व दक्षिणी नेता साल्भा किरदथुइ अविईयात ईथोपियन सेनाया सुरक्षाय् गैर सैनिक क्षेत्र कथं कायेगु सहमति जूगु खः । चिकंया धनी दक्षिणी सुडान मेगु महिनाय् जुइगु स्वतन्त्रताया तयारीइ दु ।
More Stories Like this




