मिसातय्गु नितिं अफगानिस्तान दकले असुरक्षित देय्

अफगानिस्तान (एएफपी)

विश्वय् मिसातय्गु नितिं अफगानिस्तान दकले असुररिक्षत देय् जूगु छगू अध्ययनं क्यंगु दु । मिसा अधिकार व उमिगु नितिं कानुनी ग्वाहालि यानाः वयाच्वंगु अमेरिकाया थोमसन रोयटर्स फाउण्डेशनं याःगु अध्ययनं अफगानिस्तान मिसापिनिगु नितिं दकले ग्यानापूगु देय् जूगु क्यंगु खः । अफगानिस्तानय् न्ह्यानाच्वंगु हिंसा, खराब स्वास्थ्य सेवा व धर्मलिसे स्वानाच्वंगु पारम्परिक प्रथाया कारण अनया मिसात अप्वः जोखिमपूर्ण अवस्थाय् थ्यंगु अध्ययन प्रतिबेदनय् न्ह्यःथनातःगु खः । जोखिम राष्ट्रतय्गु धलखय् भारत प्यंगूगु ल्याखय् लाः । अथेहे कंगो, पाकिस्तान व सोमालिया नं मिसातय्गु नितिं ग्यानापूगु देय्या दकले च्वये च्वंगु धलखय् दु । स्वास्थ्य, यौन हिंसा, गैर यौन हिंसा, संस्कृतिलिसे स्वानाच्वंगु प्रचलन, धर्म, मानव तस्करी व आर्थिक संशाधनया कमीया आधारय् मिसातय्गु ग्याःचिकु दुगु न्ह्यःथंगु खः । साउदी अरब, इरान थेंज्याःगु देशं धाःसा अध्ययनया विरोध याःगु दु ।

More Stories Like this