सेना समायोजनया नितिं नेपाली सेनाया मापदण्ड अमान्य - डा. भट्टराई

येँ (झीगु स्वनिगः)

एकीकृत नेकपा माओवादीया न्वकु डा. बाबुराम भट्टराईं सेना समायोजनया नितिं नेपाली सेनाया मापदण्ड मान्य मजुइगु धयादिल । निगू पक्षदथुइ जुइगु समायोजन छु नं छगू पक्षया मापदण्डयात जक आधार तायेकाः यायेमफइगु वय्कःया धापू खः । येाया पर्यटन बोर्डय् याःगु छगू ज्याझ्वलय् न्ववानादिसें न्वकु डा. भट्टराईं सेना समायोजनया ल्या गुलि धइगुलिइ विवाद यायेगु जायज मजुइगु धयादिल । वय्कलं न्यागू बुादे सहमति जूगु निवाः बिइधुंकूसां नं कार्यान्वयन पूर्ण रुपय् जुइमफुगुलिइ च्यूताः प्वंकादिल । वंगु जेठ १४ गते ताःहाकःगु कुतःलिपा संविधानसभाया आयु ल्यंकेत ताःलाःसां नं उगु संकट अझ नं चिलाःमवनीगु वय्कःया दाबी खः ।

'संविधानसभा विघटन याकेगु तत्व अझ सक्रिय दु - भट्टराईं धयादिल आः भदौ १४ तक्क छुं ज्या जुइमबीकेगु व विघटन यायेगु षड्यन्त्र जुयाच्वंगु दु ।' भट्टराईं न्यागू बुादे सहमतिया शान्ति संविधान व सरकारलिसे सम्बन्धित फुक्क विषय छक्वलं कार्यान्वयन यायेमाःगु बिचाः तयादिल । सहमतीय सरकारया विकल्प मदुगु दाबी यानादिसें भट्टराईं बजेट वयेन्ह्यः हे सहमतीय सरकार दयेकेमाःगु धयादिल ।
ज्याझ्वलय् न्ववानादिसें एमाले नेता प्रदिप ज्ञवालीं सहमतीय सरकारया नितिं आः एमालें दाबी मयाइगु धयादिल । आः नं एमाले नेतृत्वय् सरकार दुगुलिं आः माओवादी वा कांग्रेसया दथुइ सहमतीय सरकारया नेतृत्वया विषयलय् सहमति जुइमाःगु धयादिल । कांग्रेस नेता गगन थापां राजनीतिक सहमति कार्यान्वयनय् दलतदथुइया थःथवय्या स्वयाः नं आन्तरिक कलह मू समस्याया रुपय् खनेदुगु धयादिल ।