नेपाः पार्टीया लाइन बेठिक

सम्पादकजु

नेपाः राष्ट्रिय पार्टीं वर्तमान इलय् ज्वंगु लाइन पाय्छि मताः । उिकं सम्पादक मार्फत थन छुं खँ न्ह्यब्वयाच्वना । सरकारं प्रधानसेनापति रुक्मांगद कटवालयात चीकेगु क्वःछित । सरकारया उगु निर्णय कार्यान्वयन मयायेत राष्ट्रपति डा। रामवरण यादवं पौ हे च्वयाः प्रधानसेनापतिया पद थमौटी याना बिल । उगु विषयय् देशय् नागरिक सर्वोच्चताया न्ह्यसः पिथनाः माओवादी नापं मेमेगु पार्टीया संयुक्त सरकारया नेतृत्व यानादीम्ह प्रधानमन्त्री पुष्पकमल दाहाल ुप्रचण्डंु थःगु पदं तकं राजीनामा बियादिल ।

थ्वहे प्रशंगय् संविधानसभाय् दुथ्याःगु पार्टीत दथुइ हँय् थकाली कि ख्येँ थकाली धइथेंया न्ह्यसः व विवाद ब्वलंकाबिल । थुगु हे विवादय् नेपाः राष्ट्रिय पार्टीं थौंया इलय् गुगु पक्ष ज्वन व जितः पाय्छि मताः । नापं मेगु न्हूगु बहुमतीय सरकार नीस्वनेत सामान्यतया सत्तापक्ष दल असफल जुइधुंकाः सर-कारया नेतृत्व यायेगु नियम हाचांगायाः पक्षयाम्ह कि विपक्षयाम्ह धइगु सीमदुगु पार्टी नेकपा एमालेया नेतृत्वय् सरकार दयेकेगु ज्याय् समर्थन नापं कुतः यानाच्वंम्ह विपक्षी दल नेपाली कांग्रेसया पँ लिनाः नेपाः राष्ट्रिय पार्टीं उकियात हे समर्थन बियाच्वंगु नं पाय्छि मताः ।

छाय्धाःसा संविधानसभाया चुनावया झ्वलय् उदय जूगु थुगु पार्टी थौंया थुगु संक्रमणकालीन अवस्थाय् सरकार व शक्तिया पक्ष विपक्षय् च्वनेगु स्वयां नं जनसंविधान दयेकेगु ज्याय् दक्वसित नं खबरदारी यानाच्वनेमाःगु खः । मखुसा ला किसि किसि ल्वानाः घाँय् चुंदं थें ततःधंगृु पार्टीया ल्वापुइ लानाः भविष्यय् थःगु अस्तित्व हे समाप्त मजुइ धकाः धाये फइ मखु । नेपाः राष्ट्रिय पार्टी धात्थेंया राष्ट्रिय पार्टी जुइगु खःसा राजनीतिक शुभलाभया कारणं कांग्रेस एमाले माओवादी आदि पार्टीया न्हिप्यं ज्वनेगु पलेसा थःगु पार्टीया हे राजनीतिक दर्शन व नीति जनताया न्ह्यःने ब्वब्वं न्ह्यज्यायेमाः । थौंया नेपाःमि जनता म्हिगःया नेपाःमि जनता थें छुं छुं हे मसिउिपं बुद्धु मखयेधुंकल ।
- ब्रम्हदेव ँप्रदीप’
उबहाः यल-६

More Stories Like this