थौं छक्वलं ६७ म्ह एसपी सरुवा
येँ (सन्ध्या टाइम्स)/प्रहरी प्रधान कार्यालयपाखें छक्वलं ६७ म्ह एसपी (प्रहरी उपरीक्षक) सरुवा याःगु दु। जेठ ३१ गतेया निर्णय कथं थौं थ्व एसपीतय्त सरुवा याःगु खः। येँया प्रहरी प्रमुखय् केदार रिजालयात हःगु दु। अथे हे येँय् ज्या यानाच्वंम्ह रमेश प्रसाद खरेलयात पर्साय् छ्वःगु दु।
उकथं हे रविन्द्रनाथ रेग्मी (रुपन्देही), रविन्द्रनाथ शर्मा (चितवन), दिलिप कुमार चौधरी (कंचनपुर), यादवराज खनाल (कास्की), भोगबहादुर थापा (यल), नारायणसिंह खड्का (ख्वप), प्रद्युम्न कार्की (विराटनगर), राजु मानन्धर (सुनसरी), हरिबहादुर पाल (धनुषा), मोहनराज जोशी (सर्लाही), घनश्याम अर्याल (रौतहट) व सुरेश विक्रम शाहयात बाराय् छ्वःगु दु ।
गृह मन्त्रालयपाखें तयार याःगु ११ बुँदाया मापदण्डया आधारय् अथे थनिंनिसें हे लागू जुइ कथं थ्व एसपीतय् सरुवा याःगु खः ।
