माओवादीया बैठक स्थगित

येँ (सन्ध्या टाइम्स)/पार्टीया आन्तरिक विवाद व लाइन संघर्षयात केन्द्रीय कमिटीया बैठकय् यंकेगु एजेण्डा तयार यायेगु नितिं थौं सःतातःगु माओवादी स्थायी समितिया बैठक नं स्थगित याःगु दु। अन्तिम इलय् वयाः बैठकया निंतिं तयारी मगाःगुलिं धइगु त्वहःचिनाः पदाधिकारीतय् दथुइ सहलह ब्याकाः बैठक स्थगित यायेगु निर्णय याःगु खः। अथे स्थायी समितिया बैठक हे स्थगित जूवंगु कारणं यानाः थ्वहे वइगु ८ गते च्वनेगु धयातःगु केन्द्रीय कमिटीया बैठक नं प्रभावित जुइगु अवस्था ब्वलंगु दु ।