मधुपर्क सम्मान लःल्हात

येँ (झीगु स्वनिगः)

गोरखापत्र संस्थानं पिहांवयाच्वंगु 'मधुपर्क'या 'मधुपर्क सम्मान २०६८ छगू ज्याझ्वःया दथुइ लःल्हाःगु दु । थनिं ४४ दा न्ह्यः स्वंगु 'मधुपर्क'या थुगु सम्मान धाःसा १० दा न्ह्यः जक पलिस्था याःगु खः ।
संस्कृतिविद् भाजु सत्यमोहन जोशीजु मूपाहांकथं झायादीगु उगु ज्याझ्वलय् वय्कलं प्रतिनिधि हाास्यव्यंङ्ग संग्रह, प्रतिनिधि यात्रा संग्रह व प्रतिनिधि कथा संग्रहया स्वंगू सफू नं उलेज्या यानादीगु खः । मधुपर्क सम्मान कयादीपिं, गद्यपाखें वरिष्ठ आख्यानकार परशु प्रधान, पद्यपाखे डा. बानिरा गिरी खः । वय्कःपिंत मधुपर्कया न्हापांगु दाया ल्याः ७ व ८ या आधारय् सम्मान ब्यूगु खः । उगु ज्याझ्वलय् सत्यमोहन जोशी, संस्थानया नायब महाप्रबन्धक कपिल घिमिरे, कार्यकारी नायः हरिगोविन्द लुाइटेल, प्रेस काउन्सिलया नायः नारायण प्रसाद शर्मा मधुपर्कया सम्पादक श्रीओम श्रेष्ठ लगायत व्यक्तिपिंसं नवानादीगु खः ।
मधुपर्क सम्मान हनापौ लिसे १५ द्वः धेबाया सिरपाः तयातःगु दु । ज्याझ्वः कार्यकारी नायः हरिगोविन्द लुइटेलं सभापतित्व यानादीगु खः ।अमीर रञ्जित