आन्दोलन पाय्छि मखु: सुजाता
येँ (सन्ध्या टाइम्स)/नेपाली कांग्रेसया नेतृ सुजाता कोइराला लिपांगु इलय् कांग्रेसया जिल्ला सभापतितय्गु भेलां याःगु निर्णयया विपक्षय् दनादीगु दु। वय्कलं आःया अवस्थाय् नेपाली कांग्रेसं आन्दोलनया तयारी यायेगु गलत जुइ धयादीगु दु ।
कांग्रेस जिल्ला सभापतितय्गु आइतवाः क्वचाःगु भेलां आः कांग्रेसं नं आन्दोलनया तयारी यायेगु धकाः क्वःछिउगु खःसा उकियात कयाः आपत्ति प्वंकुसें वय्कलं अथे धयादीगु खः। थौं सुथय् चितवनय् याःगु पत्रकार सम्मेलनय् नेतृ कोइरालां सहमतिया नितिं वातावरण तयार जुयाच्वंगु इलय् कांग्रेसं आन्दोलनया तयारी यायेगु धकाः गुगु निर्णय यात उकिं यानाः बांमलाःगु सन्देश वन धकाः तकं आपत्ति प्वंकादीगु खः ।
