थौं विश्व हिदान दिवस
येँ (सन्ध्या टाइम्स)/थौं जुन १४ तारिख 'यक्व हि, यक्व जीवन' धइगु नारा बिसें नेपाः नापं विश्वन्यंकं हिदान दिवस हनाच्वंगु दु। थुगु दिवसया लसताय् रक्त संचार केन्द्रपाखें थौं येँय् जनचेतनामुलक र्याली पिकाःगु दु। नेपालय् न्हापांखुसी हिदान यानादीम्ह समाजसेवी दयावीरसिंह कंसाकारं देशय् हिदान यायेगु अभियान न्ह्याकादीगु खःसा आः तकया दुने १ लाख ५५ हजारसिबें अप्वःसिनं हिदान याये धुंकूगु दु ।
