नेपाः नकारात्मक सूचीइ लाइन

सम्पत्ति सुद्धिकरण निवाहरणया नितिं नेपालं पूवंकेमाःगु छु शर्तत पूमवंकेवं नेपाः वित्तया कारोवारया मिखा कुलिं अन्तर्राष्ट्रिय ख्यलय् नेपाःयात नकारात्मक सूचीइ तैगु सम्भावना अप्वःगु दु । संयुक्त राष्ट्रसंघं पिकाःगु सम्पत्ति शुद्धिकरण निवाहरण सम्वन्धी महासन्धि व अभिसन्धि अनुमोदन याःगु दँ दँ लिपानं नेपालं थःगु पं्रतिवद्धता पूवंके फयाच्वंगु मदु । थ्व वइगु जुन १८ तारिख दुने पूवंकल धाःसा उखुन्हु मेक्सिकोय् च्वनेत्यंगु प्लेनम वैंठकं नेपाःयात उगुकथंया सुचिइ तैगु तःधंगु सम्भावना दु । फिनासियल एक्सन टाक्स फोर्स नेपाःयात थःगु प्रतिवद्धता पूवंकेत तःक्वः हे ख्याच्वः नापं वीधुंकूगु दु । शुरुइ दकले न्हापां डिसम्वर, २०१० सं पूवंकेगु बचं व्यूगु खः । थुयालिपा वंगु फ्रेवरीइ प|mान्सय् जूगु प्लेनरीं जुन १८ तक्कया अन्तिम म्याद व्यूगु खः । थुगु तारिख तक्कया दुने नेपालं स्वंगू कानून दयेकाः कार्यान्वयनय् यंकेमाः । वंगु पेरिसय् जूगु प्लेनरीइ नेपालं थःगु प्रतिवद्धता पूवंकेत थप ई फ्वंगु खः । तर उगु ईकया नं सरकारं थुखेपाखेया नितिं छुंमेगु कुतःतकं मयाः । वंगु निदँ निसे वियावयाच्वंगु दवावयात नेपालं अथें तरय् यानाः वयाच्वंगु दु । लच्छि न्ह्यः मकाउलय् च्वंगु आइसी आर जी या वैठकय् नं नेपालं पुलांगुहे खँ दोहरे यानाः थप ई फ्वंगु खः ।

वइगु वैठकय् नेपालं वचं कथं ज्या जूमजूया आधारय् नेपाःयावारे निर्णय याइगु जूगु दु । उगु वैठकं नेपाःयात थःगु प्रतिवद्धता पूमवंकूगुया आधारय् नकारात्मक सूचीइ तल धाःसा नेपालं अन्तराष्ट्रिय व्यापारय् तःधंगु समस्या फयेमालीगु विज्ञपिनिगु धापू दु । नेपाःया राजनीतिक अवस्थायात कयाः छुं ई फैगु अनुमान याःगु दु । यदि नेपाःया अस्थिर राजनीतिक खँयात कयाः वैठकयात विश्वास वीफत धाःसा नेपाःयात नकारात्मक सूचीइ मतये नं फु व मेगु निला प्यला ई हानं वीफु । तर उगु इलय् नं ज्या जुइफैगु खँय् धाःसा धायेफैगु अवस्था मदु । नेपाःया राजनीतिक वातावरण तसकं सम्वेदनशील व नाजुक घरीइ थ्यनाच्वंगु दु । तर अन्तराष्ट्रिय समुहं उकियात छु गुकथं काइगु खः धायेफैगु अवस्था मदु ।

More Stories Like this