रामदेवं अनसन त्वाःथल

येँ (सन्ध्या टाइम्स)/भारतया योग गुरु रामदेवं थौं गुन्हुया न्हि कुन्हु आमरण अनसन त्वाःथलादीगु दु। भ्रष्टाचार विरोधी आन्दोलनया झ्वलय् आमरण अनसन च्वंम्ह रामदेवं थौं सुथय् आध्यात्मिक गुरु रविशंकरं बिउगु जुस त्वनाः अनसन त्वाःथःगु खः। थ्वसिबें न्ह्यः पुलांम्ह मुख्यमन्त्री ओमप्रकाश चौटाला व पन्जाबया मुख्यमन्त्री प्रकाशसिंह बादल रामदेवयात उपचार यानातःगु अस्पतालय् स्वः वंगु खः। सरकारं धाःसा रामदेवलिसे प्रत्यक्ष संवाद याःगु मदुनि। अनसन जारी यानातल धाःसा वय्कः कोमाय् वनेफु धकाः चिकित्सकतय्सं ख्याच्वः बीधुंकाःलि अनसन त्वाःथलेगु ज्या जूगु खः ।