नेपाल लिपि गुथिया स्वीनिक्वःगु बुदिं हन

येँ (झीगु स्वनिगः)

नेपाल लिपि गुथिया स्वीनिक्वःगु बुदिं येाया चेम्बर भवनय् शुक्रवाः छगू ज्याझ्वःया दथुइ हंगु दु । लिपि गुथिया संरक्षक नापं नेपालभाषा परिषद्या नायः फणिन्द्ररत्न बज्राचार्यया मू पाहाासुइ न्ह्याःगु उगु ज्याझ्वलय् पाहाापिं पद्मरत्न तुलाधर, मल्ल के. सुन्दर, तीर्थरत्न तुलाधर, सभासद् बुद्ध साय्मिपिं झायादीगु खः । नेपाल लिपियात स्वनिगलं पिने नापं विदेशय् तक्क नं प्रचार प्रसार, विकास यायेत स्वीनिदा न्ह्यःनिसें मदिक्क न्ह्यानाः वयाच्वंगु थुगु संस्थां आः थुगु लिपियात युनिकोडय् दुथ्याकेगु कुतः जुयाच्वंगु खा थीथी वक्तापिंसं न्ह्यःथनादिल । लिपि गुथियात संस्थागत रुपं न्ह्यःने यंकेत भोगय् यानाःगु खा लिपि गुथिया प्राज्ञ प्रतापमान शाक्यं कनादिल ।

उगु ज्याझ्वःयात भाषा ख्यःयाःपिं अमर बज्राचार्य व चीनिया बज्राचार्यपिंसं नीन्याद्वः - नीन्याद्वः तका धेबा ग्वाहालि यानादीगु खः । भिंतुना न्वचु बीगु झ्वलय् लिपि धइगु नेवाःया जक मखु, देय्या गौरव खः उगु देय्या गौरवया प्रतिकयात अन्तर्राष्ट्रिय रुपं व्यापक यायेत स्वीनिदा न्ह्यःनिसें चःति हायेकाः च्वंगु खाय् नेवाः सभासद् बुद्ध साय्मिं लसता प्वंकादिल । ज्याझ्वलय् देय् दबूया संरक्षक मल्ल के. सुन्दरं झीगु रञ्जना लिपि चीनय् मानेयाः 'ओम मणि पद्मे हुं' व त्वानासिंहय् छ्यला तःगु खा कनादिल । राज्यया पुनःसंरचना यायेगु झ्वलय् १४ प्रदेश यायेमाःगु तर नेपाली कांग्रेसं म्हसीकाया आधारय् ७ गू प्रदेश निर्णय याःगु दु । थथे जुल धाःसा जनजातिं युद्ध न्ह्याकी । थुकिया दोषी नेपाली कांग्रेस जुइ धयादिल । अथेहे मू पाहाा फणिन्द्ररत्न बज्राचार्यं नं नुगः खा तयादीगु उगु ज्याझ्वःया सभापतित्व लिपि गुथिया नायः शरद कसाः 'कसाः छेा' यानादीगु खः । — अमीर रञ्जित