मोरङय् भिंद्य:या मूर्ति स्थापना

नेवा: पुच: मोरङया सक्रियताय् निर्माण जूगु भिंद्य:या मूर्ति सिथि नख: कुन्हु अनया इन्द्रपुरय् स्थापना या:गु दु । नेवा: पुच: इन्द्रपुरया नाय: कृष्णमोहन श्रेष्ठया सभापतित्व जूगु छगू ज्याझ्वलया दथुइ नेवा: देय् दबूया नाय: नरेश ताम्राकारं विधिपूर्वक मूर्तिया उलेज्या यानादीगु ख: । मूर्ति उलेज्या न्ह्य: नेवा:तय्गु छगू त:धंगु जुलुसं बजार परिक्रमा या:गु ख: ।

ज्याझ्वलय् भिंद्य:या मूर्ति निर्माण यायेगु निंतिं थीथी मनूत व संस्थापाखें न्हय्गू लख स्वयां अप्व चन्दा मुंकूगु जानकारी बिउगु ख: । भाजु रणबहादुर श्रेष्ठया सक्रियता निर्माण जूगु मूर्ति स्थापना यायेत मोरङस्थित स्थानीय मनूतय्सं जग्गा उपलब्ध याकूगु ख: ।

उगु ज्याझ्वलय् नेवा: देय् दबूया मू दुज: पूर्णकृष्ण श्रेष्ठ, देय् दबू मोरङया नाय: दिवेन्द्र कुमार मास्के, आदिवासी विभागया छ्याञ्जे भरत श्रेष्ठं थ:थ:गु नुग: खँ प्वंकादीगु ख: ।

More Stories Like this