नेपाल लिपि गुथिया स्वीनिदँ बुदिं हन
नेपाल लिपि गुथिया स्वीनिदँ बुदिं थौं छगू ज्याझ्वः यासें हन । गुथिया नायः शरद कसाः 'कसाछेँ'या सभापतित्वय् जूगु ज्याझ्वलय् मूपाहां गुथिया संरक्षक नापं नेपालभाषा परिषदया नायः फणिन्द्ररत्न बज्राचार्यं त्वाःदेवाय् मत च्याकाः ज्याझ्वःया उलेज्या यानादिल ।
ज्याझ्वलय् न्ववानादिसें नेपाः राष्ट्रिय पार्टीया सभासद बुद्ध साय्मीं नेपाःया संस्कृतिया लिसें नेवाःतय्गु लिपि, साहित्य, धर्म आदि ब्याक्क संरक्षण यायेत न्हूगु संविधानय् झीगु अधिकार सुनिश्चित याकेमाःगु धयादिल ।
अथेहे नेवाः देय् दबूया संरक्षक मल्ल के. सुन्दरं थः चीनय् वनाबलय् सियानया छगू मसानय् सीपिनिगु ब्यहोरा तकं चिनीया लिपिया नापं रंजना लिपिं नं तयातःगु खँ कनादिल ।
गुथिया प्राज्ञ नापं पुलांम्ह नायः प्रतापमान शाक्यं स्वीनिदँ न्ह्यवनिसें लिपि गुथिं यानावयाच्वंगु ज्याया जानकारी बिसें थौं कन्हय् नेपाल लिपियात युनिकोडय् तयेगु कुतः जुयाच्वंगु खँ धयादिल ।
दांभरि गोपाल साय्मीं लसकुस यासें न्ह्याःगु उगु ज्याझ्वलय् ग्वाहालि कथं दँयदसं बियावयाच्वंगु नीन्याद्वः तका मंकाः कथं २७ व ३० वडाया पुलांपिं नायःपिं अमर बज्राचार्य व चिनिया बज्राचार्यं गुथिया नायः शरद कसाः 'कसाछेँ'यात लःल्हानादीगु खः ।
Related Stories
प्रचलित नेपाललिपिया युनिकोड दयेकीगु नेपाल लिपि गुथिया स्वीनिदँ बुन्हि नेपाल लिपि गुथिया स्वीनिक्वःगु बुदिं हनMore Stories Like this
काेरियाय् नेवाः भ्वय्, नम्रता श्रेष्ठयात हन न्यूयाेर्कय् इहि राजनीतिक दलतय् घोषणापत्र व नेवाः दृष्टिकोण किपुली मंकाः बाखं गोष्ठि "वर्तमान राजनीतिक संन्दर्भय् नेवाः स्वायत्त राज्य" सम्बन्धि गोष्ठी
