नेपाल लिपि गुथिया स्वीनिदँ बुन्हि
येँ (सन्ध्या टाइम्स)/देय्या मौलिक लिपियात संरक्षण संवर्द्धन व प्रचार प्रसार लिसें लिपि कक्षा संचालन यायेगु ताःतुनाः नीस्वनातःगु नेपाल लिपि गुथिया स्वीनिदँ बुन्हि थौं छगू ज्याझ्वःया दथुइ जुल। नेपाल लिपि गुथिया नायः शरद कसाः 'कसाः छेँ'या सभापतित्वय् जूगु ज्याझ्वलय् नेपालभाषा परिषद्या नायः लिसें गुथिया संरक्षक फणिन्द्ररत्न वज्राचार्य मूपाहां कथं झायादीगु खः ।
गुथिया दांभरिं गोपाल साय्मिं लसुकस यानादीगु ज्याझ्वलय् सभासद बुद्ध साय्मि, नेवाः देय् दबूया संरक्षक मल्ल के. सुन्दर, लिपि गुथिया प्राज्ञ प्रतापमान शाक्यपिंसं लिपिया महत्व व थुकिया छ्यलाबुला अन्तर्राष्ट्रिय ख्यलय् तकं जुयाच्वंगु बारे कुलादीगु खः ।
