भारतय् झिंखुम्ह तीर्थयात्री ट्रकं क्यलाः सित
भारत (एजेन्सी)
भारतया गुजरातस्थित अहममाबादया छगू हाइवेलय् ट्रकं क्यलाः झिंखुम्ह तीर्थयात्रीत सीगु दुसा नीम्ह स्वयाः आपालं घाःपाः जूगु दु । तीर्थयात्राया नितिं वनाच्वंपिं उमित सतकय् तीव्र गतिइ वःगु ट्रकं क्यःगु खः । म्हिगः वंगु बहनी घटनाय् लानाः घाःपाः जूपिनिगु अहमाबादया के बि एस अस्पतालय् वासः जुयाच्वंगु दु । थ्वहे दथुइ भारतया कर्नाटकय् निम्ह जंगली किसिं आतंक न्ययेकूगु खः । कर्नाटकया मेस्योर शहर लिक्कया जंगलपाखें वःपिं जंगली किसिं बस्तीइ दुहां वयाः आतंक न्यंकूगु खः । थ्यंमथ्यं स्वीन्यागू किलोमिटर ताःपाक्क लाःगु जंगलपाखें वःपिं किसि कलेज दुहां वनाः आक्रमण याःबलय् छम्ह विद्यार्थी नापं सीगु खः । किसिं सतकय् न्यासि वनाच्वंगु सवारीदथुइ नं आक्रमण याःगु बुखा वःगु खः ।
More Stories Like this
दक्षिणी अफगानिस्तानय् नीम्ह तालिवानपाखें आत्मसमर्पण भारतया उडिसाय् चलखं झिंखुम्ह सित अमेरिका व बेलायतया गुप्तचर एजेन्सीया गद्दाफीलिसे साँठगाँठ रुसं सिरीयाया चिकं मन्यायेगु विषययात कयाः कुंखिन जापानय् न्ह्यगू दशमलव छगू रेक्टरया भुखाय्
