सुडान काण्डय् राजनीतिक संलग्नता

येँ (झीगु स्वनिगः)

उपप्रधान नापं परराष्ट्रमन्त्री उपेन्द्र यादवं सुडान घोटला काण्डय् राजनीतिक नेतृत्वययात उन्मुक्ति बियाः कर्मचारीतय्त जक दोषि ठहर याःगु धासें असन्तुष्टी प्वंकादीगु दु । विराटनगरय् म्हिगः विहिवाः संचारकर्मीतलिसे खँल्हासें राजनीतिक नेतृत्वया संलग्नता मदयेकं कर्मचारीतय्सं जक उलि मछि तःधंगु घोटाला याये फैमखु धकाः दावी यानादिल । घटनाय् दोषितय्त अख्तियारं उन्मुक्ति ब्यूसां नं संलग्न न्ह्याम्हेसित नं कानुनी दायराय् हयाः सरकारं कारवाही यायेगु जुइ धकाः नं वय्कलं धयादिल ।