ओखरपौवाय् जनजाति भेला
येँ (सन्ध्या टाइम्स)/नेपाल आदिवासी जनजाति महासंघ गाउँ समन्वय परिषद् ओखरपौवाया न्हापांगु भेला क्वचाल। भेलाया उलेज्या यासें महासंघया नायः राजकुमार लेखी, पुलांम्ह नायः पासाङ्ग शेर्पा, मूछ्यांज्ये प्रेम बराल, जिल्लासचिव भगवान रानामगर, स्थानीय बुद्धिजीवी टेकबहादुर बलामीपिंसं जनजाति ऐक्यबद्धता आवश्यक जूगु खँय् बः बियादीगु खः ।
आदिवासी जनजाति महासंघ गाउँ समन्वय परिषद ओखरपौवाया नायः जीतबहादुर बलामीया अध्यक्षताय् जूगु उगु भेलाय् आदिवासी जनजातितय्गु इतिहास पिब्वइगु बलामी व तामाङ्ग हुलाप्याखं नं न्ह्यब्वःगु खः ।
